الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 06:25 AM
المشاركة 299
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي
سحاب العز



الطير غنى والزهر فــــــــــــاح عطره
وامطر سحاب العز في كــــــل ديره
والعارض اللي همنــــــــــا زال شره
الله يعـــــــــــــــز الشيخ والله يجيره

إن طاب طبنا وان مرض ضامنا امره
نفداه بالظاهر ومــــــــافي السريره
من عمرنـــــــــــا نعطيه ويزيد عمره
ومن فرحنا نجعل ليالــــــــه سفيره

صقر وفي من مــــــــاكر العز شبره
وعينه على عيـــــــون غيره بصيره
بين الملوك بحكمته زاد قــــــــــدره
ولاهــــــل الحوايج في كفوفه بريره

هذي الصروح الشامخه طلع بــذره
سحابته بـــــــــــامطار فضله غزيره
العز لـــــــــــــه ميدان والمجد قصره
ويشهد لــــه التاريخ في كل سيره

فهد صليب الـــــــــراي زيزوم عصره
لى ثقلت القالات قــــــاد المسيره
الله يديم ايـــــــــــــــــام عزه ونصره
شيخ قليل بــــــــــــــالزعامة نظيره