الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 06:14 AM
المشاركة 287
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي
كل ما اشتدت


كل ما اشتدّت يزومون الـرجال
والسعـودي دايمــــــا رجالهـا

ما تزعزعنــــــــا تقارير ومقـال
أمّــــــــــــــة تاريخـهـا بافعالـهـا

المشـاكل لو تجي كبر الجبـال
ما نجنبهــــــــــا .. نـزود قبّالهـا

دارنا يا دارنــــــــــا دونـك عيـال
نـــــــــردع المغرور مـن عيَالهـا

تلطم العايـــل اذا اشتـدّ النّـزال
كفّنـا نعـــــــــــدل بهـا جهّالهـا

مــــــــا يهيّبنا خطـر والاّ محـال
المعــــــــارك ذارعيـن أطوالهـا

كل مــا نلناه من صعب المنال
مـــــــا هـو إلاّ بسملـة أبطالهـا

والأمل تطلب بـــراعمنا الكمال
كـل يـــــــــــــوم يرفعـون آمالهـا

والشباب المستنير بكل حـال
المـــــــــراجل والمعـارف نالهـا

نذكر الأفعـــــال ما نرسم خيـال
بـــــــــالحقايـق دقّهـا وجْلالـهـا

أنظروا يمين والتفتــــوا شمـال
وقارنـوا بلادنــــــــــــــا بامثالـهـا

عزّنا بــــــالدين من رب الجـلال
والعروبـه حـــــــــارسيـن جالهـا