الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 06:05 AM
المشاركة 280
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي
من رياض المجد

من ريــــــاض المجـد لامجـاد الكويـت
مـــــــن ثـبـات العـلـم للعـلـم الـثـبـات
جيـت أصافـح بالتّهانـي كـــــــل بـيـت
للشّهـيـد الـخـلـد والـحــي الـحـيـــــاه

فوق غيمة شـــوق مـن أبهـا مشيـت
مـن نـــــــــداهـا فــزّت الصّـحـرا نـبـات
سيّرتـنـي نـشـــــوة الـحـب وسـريـت
للكويـــــت الّلـي هويـت أكتـب غـنـاة

في غنــــــاتي للشّرف صـوت وصيـت
ومـن غناتـي يـــــرفـع الفـارس حـداة
وللكرامـة عـــــــرضـة فــي كــل بـيـت
والـسـجـايـا بــــالـشـهـامـه نـايـفــات

يا الكويت الّلي على الباغي عصيت
يوم بعض الـــــرّبع ينسـى المكرمـات
يـوم بـان الغـدر قلـنـا لــــــه خسـيـت
كـــل شـيـطــــــان رجـمـنـاه بـحـصـاه

دارت الـدنـيـــــــا علـيـهـم واعـتـلـيـت
وانهـزم جيـش النّفـــــــوس الخاينـات
يا الفهـد عنـد الـــوعـد قـلـت ووفـيـت
طاغيات الـرّوس عـــــــــادت صاغـرات

ما اختلـفـت ولا ذخـــرت ولا شـكـيـت
شـامـخ مـثـل الـجـبـــــال الـراسـيـات
دلّــــك الله يا الـسـنـافـي واهـتـديــت
والنّصـر مــن عـنـد رب الكــــــــايـنـات

مـا يـغـط الــحــق رجــــــــال بـخـيــت
مانـسـيـنـا يـا الـكـويـت الـســابـقـات
يــوم عــز بــــــــدارنـا حـلــو المـبـيـت
إستضـفـتـونـا زمــــــــــان الـنّـايـبــات

لين ابو تركي ظهر مـــــن فوق هيـت
واصطفق مـن نجـــــد لجبـال السّـراه
يرفـع الـقــــــــرآن والسـيـف الصلـيـت
واستـرد الحكـم مـــــن عقـب الفـوات

يا الصّباح و يـــالسعودي لى انتخيـت
عـزوتـك عـنّـاز راعــي الـطّـــــــــايـلات
ويا الأميـر الّلـي علـى العليـا نشيـت
جابـر العـثـرات محـمـود الصـفــــــــات

فـــي بـــلادك كــــــل تـكـريـم لـقـيـت
والنشـامـى مـــا كـتـفـوا بالـواجـبـات
بالكويت أعطـــــانـي الشعـر وعطيـت
وبالكويـت الشعــــــر لـه طعـم وحـلاة