الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 06:04 AM
المشاركة 278
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي
البحرين


ألقيت هذه القصيدة في أمسية شعرية بدولة البحرين الشقيقة عام
١٤٠٦هـ

مني لكم يا هـــــــل البحرين تسليمه
فيها صبـــــــا نجد وفيها غيمة السوده

لي في هواكم مــــع الأشواق تهويمه
يسري بها الود لاهل الـــــــود موعوده

تشدي بها ساجعات الــــــورق ترنيمه
بين المنامه وراس طــــــــويق مردوده

هلت على شاطي البحرين من ديمه
يسوقها داعي الأحبـــــــــــاب موفوده

يا مكرمين الضيوف بكـــــــل تحشيمه
أجناسكم يـــــــا هل الخيرات معدوده

أنتم هل الجــــــود والطولات والشيمه
أفعالكم في سجــــل المجد مشهوده

جينا من اخـــــــوانكم بالفين تعظيمه
الكل منهم صـــــــدوق الحب مقصوده

من عند أبـــــــو فيصل نباشر تعاليمه
مفتوح القلب والــــــــــذرعان ممدوده

للشيخ عيسى مقـــــام العز والقيمه
ننقل تحايا مليك العـــــــــرب وعضوده

عيا الجسر يا بحر للــــــروح تقسيمه
لله در الرجــــــــــــــال اللي بنوا عوده

مــــــــــــــن فضل ربي تعاونا لتقويمه
مــــــــــــا دام الأفعال بالنيات معقوده

يا باني المجد يـــــــا جامع مفاهيمه
الله يعينك ترى الأمجـــــــاد محسوده