الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 05:46 AM
المشاركة 269
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي
حنا العرب

حنا العرب يــــــــــــــا مدعين العروبه
وحنا هل التوحيد وانتم لـــــه اجناب

وحنا شروق المجــــــــد وانتم غروبه
وحنا هـــــــل التاريخ وانتم به اغراب

يـــــــــــوم الفقر شلتوا علينا عيوبه
واليوم عقب النفط جيتوا لنا أنساب

ويوم الفقر فينا البــــــــــداوه سبوبه
واليوم صرتوا مثلنا بــــــــــدو وأعراب

لــــــــــــــو الهوا منكم منعتوا هبوبه
لا شـــــــــــك رزاق الملا رب الأرباب

ولو المطر منكــــــــــم منعتوا صبوبه
لا شك رزق الخلق مــن عند وهاب

جيش الحسد سقتوا علينــا حروبه
كل يبي يزرع على جسمنا نــــــاب

حرب على المحسن تـــراها عقوبه
يا الله عســـــــاكم ما تفيدون حراب

يا ما عطينا مـــــــــــــــــا ندور مثوبه
الا من الذي من ترجــــــــاه ما خاب

وياما نصرنا صــــــــــــاحب ضيقوا به
عاداتنا نقدم الا مـــــــــا الردي هاب

وياما نصانا من تعثـــــــــــــــــر دروبه
يدخــــــل حمانا من تعذره الأصحاب

حنا بنينــــــــــــــــــا دارنا من طيوبه
وانتم سلبتوا داركم كــــــل ما طاب

الله سقانــــــــــــــا من بحرنا عذوبه
وانهــــــاركم مثل البحر هدر تنساب

حنا زرعنـــــــــا الحب بارض خصوبه
وانتم زرعتوا كــــــــره الأجيال بتراب

وحنا دعينــــــــــا السلم نوبه ونوبه
وانتم حمام السم بعتوه بغـــــــراب

يامن دعا للحرب مـــا ادر ك خطوبه
لا تحسب ان الحرب تهديد وخطاب

من شب نار الحرب يصلى شبوبــه
ومن ثـــــــور الفتنه تعرض للاسباب

مــــــــــا يستر الرجال ملبوس ثوبه
الدين وافعال الكـــــــــــرامه له ثياب

ما يقبل الرجال بحمــــــــــــاه حوبه
مــــــــــــا دام له حق وللحق طلاب