الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 05:38 AM
المشاركة 262
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي
طاحت الكذبه

طاحت الكذبه على كاذب سراب
والحقيقه مــــزعت ستر الحجاب

والرواسي مـــــــــــا يحركها الهوا
والسما ما ضاق من طـاير هباب

ارتفع عن ساقط الهـــزله وأشوم
والردي لـــــــــــو غرته دنياه خاب

والـــــــــردي يطيح بالدرب معثور
وخالص النيه يسيـــــــر ولا يهاب

ولا يشوه وردتـــــي نظرة حسود
ولا يجرح لحظتي تـــــــايه صواب

ولا يزال الكون في عيني جميل
والـــــزهر فـي أبها ينديه الضباب

والنسيم اللي يفــوح به الشذا
صبح الــــــــوادي وقيل بالهضاب

والسكون اللي يقـــدمه المسا
للقلوب اللي بهــا خفقة عتاب

والنجوم اللي تراقص بــــالسما
سلوة السهران لى طال الغياب

يا طيور أبهـــــا تغني واصدحي
حــادي الأشواق موعود الجواب

رددي صـــــــــــوت المحبه والوفا
مع خرير من جــــــداولها العذاب

كل نبته تزهر بـــــــــــوقتي عمر
أسقي النبته وتسقيني شباب

الجميل يخلي العـــــــالم جميل
لكن المشبوه يسعى بــالخراب

نعمة ربي عطانـــــــــــــاها كرم
ليه نجحــــــــدها ونقلبها عذاب