الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 05:36 AM
المشاركة 258
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي
هول الليل

طال ليل الشتا والبرد قـــــــــــص العظام
واشتهر فيه (هول الليل) نـــــــــوره كذوب

احذر الدرب يا ساري عليك الســــــــــلام
مبتدا الدرب واحـــــــــــــــد ثم ياتي دروب

لا تسلف عصـــــــاتك وانت ساري ظلام
من يسلف سلاحه في ليالي الخطوب؟

ما ينوب المفـــــــــــــــــرط غير كثرالكلام
والحســـــــــــــــايف عقب زلاتها ما تنوب

أنصح الناس وهول الليل عنــــــدي هيام
صار نوره شمال وصــــــــــار دربي جنوب

والقدم مــــــــــــــن حفاها ما تحمل قيام
المسافه طويله وازعجتني هبـــــــــــــوب

واحسب النور عنـــــــــــده بيت والا خيام
أثره الوهم يلمع واحسب انــــــــه شبوب

واحسب الشوق يصدق في عيون الغرام
أثره الحلم يقدح بالعيون ويــــــــــــــــذوب

واحسب الصوت مــــن هول الليالي كلام
أثر صوته بليل البــــــــــــــــرد ضحكة لعوب

واحسب انـــــه هلال الفطر عقب الصيام
أثر كذبة هلاله مــــــــــــــــــــا تفطر قلوب

ضامني طول ليلي واشتهيت المنـــــــام
والشـــــــروق اشتهيته واشتهيت الغروب

يا حبيبي فديتـــــــــــــــــك وافتداك الأنام
فيك كـــــــــــــل غلبت ومنك صرت مغلوب