الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 05:36 AM
المشاركة 257
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي
لا تكسر الفانوس



لا تكسر الفانوس والليـــــــــل داهم
أترك بصيص النـــــــــور يمكن يقديك

مثلك يصير بلعبة الــــــــــوقت فاهم
لو ما عطيت الوقت وش لون يعطيك

الواغي اللي بــــــــــالخيالات واهم
لا يسمع الهـــــــادي ولا هو بهاديك

لا تستمــــــــع لاهل النمامه تراهم
يبون شبة نــــــــــــــــار بين أهاليك

واحرص علـى جيران دارك عساهم
يثنون لــــــى جاك العدو طامع فيك

الأهل تقوى بـــــــــــالمودة عصاهم
والقوم تخشى جمعك اللي يباريك

مـــــا تبري القلب العطيب الدراهم
ولا تعيد العــــــــــــــــافية كثر اداويك

حار الفكر والطرف بـــــالليل ساهم
وشوفات فـــــــــــكري بددتها لياليك

ثور عجاج مـــــــــــــــــدلهم وجاهم
وراه نـــــــــــــــو ناصي خضر أراضيك

الله ينجي دارنــــــــــــــا من بلاهم
والله من شـــــــــــر الليالي ينجيك