الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 05:35 AM
المشاركة 256
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي
احذر عدوك

كل يعود لاصـــــــــــــــــل جده ومرباه
راعي الشرف يشرف والأنذال يهبون
الفرع من عــــــــوده شرابه ومسقاه
والحنظله مـــــــــره ولو تشرب مزون

الطيب كـــــــــــــــايد والمناعير تقواه
والهون هين تـــــــدنع النفس وتهون
نـــــاس على كسب المراجل مضراه
ونـاس على كسب الفشيلة يضرون

هذا على وضح النقــــــا كل ممشاه
وهذا الى شـــــــــــافوه ربعه يصدون
لا تــــــــــامن الخوان لو زخرف حكاه
من خــــــان بك مره يبي باكر يخون

وافطن تـــــــــرى زول الرجاجيل تواه
كم واحـــــــــد يعجبك زوله وهو دون
يا طيب الشارات من يوم منشــــاه
احذر عدوك لا يغـــــــدرك على هون

ترى عدوك غايته فيك ومنــــــــــــــاه
يزرع بصـــــدرك من قنا رمحه طعون
واللي رضع لبوة عــــــــــــدوك توقاه
الجـــــــــــرو ولد اللبوة اللي تعرفون

للطير يــــــــــا الصقار بالريش مغواه
الجاهل اللي بــــاكثر الريش مفتون
للحر والشبوط مـــــــــــــاكر ومجناه
والفرق بالأفعال لــــــــو هم يطيرون