الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 05:12 AM
المشاركة 233
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي

عفا الله

قيلت ردا على القصيدة السابقة

عفا الله عـــــــــن قلب من الحب ما عفا
تحده عيـــــــــــون الشيخ والقلب ميلاف

ينام الملا والشيخ سهـــــــــــران ما غفا
ولا هوب ممروض ولا هـــــــــــوب متعاف

يقنب قنيب الذيب بـــــــــالليل وان عوى
ترد النجوم عــــــــــواه من هول ما شاف

والصبح يســــــرح هايم القلب لى مشا
ومـــن راس مشراف على راس مشراف

صــــــويب الخفوق ولا لقى للخفوق دوا
تعذر عليه السير قــــــــــــــــــدام وخلاف

صحيح الهوى قتـــــــــال في حالة الجفا
فلا شك من يسلي عن الغالي الجافي

تعرض جميلة صيـــــــــد في مرتع الظبا
تقود الجميلة ناهيه كــــــــــــل الأوصاف

عنود تتــــــــــل القلب من سابق المها
لها في خفوق الشيخ مـــــربع ومصياف

رمته العيون السود من قبل مـــــا رمى
وعود خبير الصيد مصيود يـــــــــــا كافي

وذي عادة القناص يصبر على القصــــــا
يشيل الحمــــــول اللي ثقيلات وخفاف

ولا بد للطلاب يــــــــــــاصل على المدا
ولو عارضه عذال وان جــــــــــاه حساف

ومن يطلب المثمـــــــون يشريه لو غلا
ومــــــن يطلب العليا يجنب عن الهافي

ولـــــــــــو لا اختلاف الراي تساوو الملا
ولا بين القــــــــــــــاصر ولا بين سنافي

تشاكيت يا محمــــــد عقب كل ما جرا
ولك بالخبر ثـــــــــوب من المعرفة ضاف

ومثلك سديــــد الراي يستهدي الهدى
ولك عملية تصــــــــــــرف مع كل صراف

تكرمت يا محمد على اخـــــــوك بالنبا
وانا مع صدوق الود روحـــــت لك قافي