الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 02:30 AM
المشاركة 171
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي
نادميني

نادميني كلها ســــــاعه واغيب
ما بقى غيرالموادع يـــــا حبيب

سلي الخفاق عن هـــم الزمان
واجلي من العين نزات السريب

طالت ايامي وانا فـــوق الشداد
الذلول تسير والـــــــراكب غريب

درهمت بي في عجــاج القايله
والثرى من حـــدرها جاله لهيب

كل خف يـــــــرسم بدربي حذر
لاهل ركب ما بعد طب الشعيب

يفهم اللي يفهم ويجهــــل كثير
والمراجل دربها دايــــــــم صعيب

يا كبر غلطات جهــــــــال الحياة
ضيعوا بعيدهم واخطوا القـــريب

يا بعد فرق الليال مـــــــن النهار
ويا بعد فـــــرق الغرير من اللبيب

بعضهم يزم بــــــــــــه كثر الهدوم
وان تحدث طـاح من عين الرقيب

كل رجـــــــــــل يستره قل الكلام
واللســـــــــــــان يجمله ولا يعيب

نــــــادميني.. وقتي الباقي قصير
والمسي بعيونــك جروحي تطيب

فرغي قلبــــــي وفكري من عناي
يا شعاع بالعمـــــــــر قبل المغيب

ومضة في ليل في دهـــــــر ظلوم
تبعث الآمال في وقــــــــت عجيب

السؤال يغيب من قبـــــل الجواب
نادميني .. كلها ساعــــه واغيب