الموضوع: الأمير الشاعر خالد الفيصل ~
عرض مشاركة واحدة
قديم 08-17-2010, 02:21 AM
المشاركة 153
الصورة الرمزية أمل محمد
أمل محمد
مشرفة سابقة من آل منابر ثقافية

اوسمتي

  • غير موجود
افتراضي
حومة فكر


ستّل جناحه ثــــــم حام
يرقى علــــى متن الهوا
يزفه بعيد و انــــــــــــــا
محـــــدود في حد النظر

له بـــــالهوا شَفّ و مرام
يلعب مـــــع الغيمه سوا
وانــــــــا جناحٍ لي واطير
والارض صـــارت لي مقر

طيري ضـــرب جوّ الهيام
و لــــــــو دعيته ما إلتوى
عزّي لمــــــن طيره غدا
ولا له مـــــــن أمره مفر

فكــــري تغشّاه العسام
أمسيت وفكري ماضوى
الارض قَفر مــــن الونس
والليل مــــن فرحي قُفر

شبّيت ضوّي بـــــالظلام
في صحصـــحٍ ذيبه عوى
مــــالي انيس إلا النجوم
او نــــــــــور وضّاح القمر

خالي وكنّي فــــي زحام
قلبــــي تلهّب و أنشوى
ماعاد أميـــــــــّز بالحشا
وإلا على ضــــــــو الجمر

وين انت يــاداعي سلام
وين انت يـــــــــا بايع دوا
ردّوا لـــــــي النومه ترى
بالعين جلاّد السهــــــــر

دوّرت بــــــــالشده حزام
ولا لقيـــــــت اللي قوى
يالله دخيلك مـــــــا لقيت
اللي نشد بـــــــه الظهر