الموضوع
:
رائعه من روائع جبار رشيد
عرض مشاركة واحدة
احصائيات
الردود
0
المشاهدات
5051
أميرة الشمري
من آل منابر ثقافية
اوسمتي
مجموع الاوسمة
: 3
المشاركات
3,993
+
التقييم
0.69
تاريخ التسجيل
Aug 2008
الاقامة
في قلب العراق
رقم العضوية
5491
03-15-2011, 10:05 PM
المشاركة
1
03-15-2011, 10:05 PM
المشاركة
1
Tweet
رائعه من روائع جبار رشيد
خلك ماصرت لوما خليلي اتصير
وصرت خلي برضاتك جي صرت خلك
علمتك عليه من الألف لليــــــاء
وتغلـــط بالأجابــــه وآنــــه اعدلّــــــــــك
حرثت الخاطرك بالروح مثل الكَاع
او بوسات او ورد كل خلكَي اشتـــلّك
شمعه انته بحياتي وعمري ضلمة ليل
اشعلت روحي وخفت ماشعلك اشعلّك
خاف سنين عمرك تحتركَ بالشوكَ
اضملّك كمت من عمري اعزلّــــك
وعليك اسودنت موبس اغار عليك
واحل روحي واكضك خايف تحلك
شلّي بغيرك انته والكَه مثلك وين
وتتعب تلكَه غيري بهل تعب شلك
ياهو العلمك وتريد تمشي بعيد
سل الشوكَ خايف باجر يســــلّك
مثل ضلك جنت بالطوه نمشي اثنين
ومشيت انته بضلام وضيعت ضلّك
دليني عليك سنين تايه بيــــــــــك
وامشي وياي ادورك خاطر اندلك
عرفني اعله شخصك رايد احجي وياك
بس كلمه وبعد ماغيره انكَــــلك
وحده من الثنين او وحده راح اختار
لو كلك احبك لو احب كلّـــــــك
اسئل ليش احبك حتى اكَلك ليش
وليش اشما تسوي وياي اقبلّك
لحظة موت عمري سنيني كلهن خوف
وبس وياك أءمن لمن اوصلّك
وانته آخر نفس واشكَد عزيز اتصير
وبلحظة الموت اتريدنه انملّك
خيط اعله الجرح باللحم صرت وياي
لو كل الجروح اطيب مافلــك
تعرف كلشي بيه وماعرفت اشبيك
لغز حلك لغز من يعرف يحلك
واشرد حتى اجيك ومدري ليش الخوف
وخاف اتخاف مني ابسدك اختلك
مثل ضلك اضل واليل يكَضي اليــــــل
ومن تطلع شمس من طولك انزلك
"الشمس أجمل في بلادي من سواها
والظلام
حتى الظلام هناك أجمل
فهو يحتضن العراق"
السياب
رد مع الإقتباس