الموضوع
:
أيوه بغير
عرض مشاركة واحدة
احصائيات
الردود
3
المشاهدات
9197
سارة رمضان
من آل منابر ثقافية
المشاركات
589
+
التقييم
0.11
تاريخ التسجيل
Feb 2010
الاقامة
رقم العضوية
8679
01-09-2011, 08:35 PM
المشاركة
1
01-09-2011, 08:35 PM
المشاركة
1
Tweet
أيوه بغير
أيوه بغير - الشاعر المصرى هشام الجخ
و بقولها ..
أيوة بغير
أيوة بغير
لا أنا نقصان
و لا ضعفان
و لا مسطول
و لا سكران
و لا زايل من عينى الضى
و لا حد أحسن منى فى شى
بس بغير
و اللى قالولك غيرة الراجل قلة ثقة او قلة فهم
خلق حمير
غيرة الراجل
نار فى مراجل
نار بتنور مبتحرقش
و احنا صعايدة بنستحملش
شمسنا حامية
و عرقنا حامى
و طبعنا حامى
و اللى تخلى صعيدى يحبها
يبقى يا غُلبها
أصلنا ناس على اد الطيبة كلنا هيبة
و النسوان فى بلادنا جواهر
طب لو عندك حتة ماس
هتخليها مداس للناس !!
و للا هتقفلى أوضه عليها بمية ترباس
يمكن حتى تاجرى ليها جوزين حراس
يبقى أنا
لا أنا غافل و لا جاهل
كل الفرق ما بينى و بينك
إنى صعيدى
ينعل أبو ده اليوم الأكحل
اللى طلعت لقيتنى صعيدى
لو كان بإيدى
كنت اعملك هندى بريش
و أجلب شعرى كنيش كراويش
و ألبسلك سلسلة متدلدلة خرزة و قلب
بس إزاى ألبسلك سلسلة هو أنا كلب !!؟
ثم العبرة مهيش فى اللبس
أصل المشكلة مهيش فى اللبس
أصل المشكلة عندك .. عندك .. عنادك
قلت هسيبها و بكرة تحس
بعده تحس
بعده تحس
ده أنا لو جبس كنت زعقت
ماشى صداقة و ماشى زمالة
بس مجتش على الرجالة
ما هى نسوان الدنيا كتير
و انا مبقولش تخاصمى الناس
و للا تتحجبى عن الرجالة
و لا تعتكفى و تسكنى دير
بس ياريت حبة تقدير
انى بحبك و إنى بريدك
و إنى زرعت حياتى فى إيدك
و إنى غزلت بنات الدنيا عقود على جيدك
و إنى تعبت من التفكير
و إنى بغير
شاهدوها إليها هنا بإلقائه :
[video=youtube;TnzRQm4hx3o]
كن بلسماً إن صار دهرك أرقما ......وحلاوة إن صار غيرك علقما
أحسنْ وإن لم تجزَ حتى بالثنا .......أيَّ الجزاء الغيثُ يبغي إن همى ؟
مَنْ ذا يكافئُ زهرةً فواحةً ؟........ أو من يثيبُ البلبل المترنما ؟
إيليا أبو ماضى
[SIGPIC][/SIGPIC]
رد مع الإقتباس