حزن يعقوب /أحمد الجرجيس
ابگد الحزن حزنان آني اليوم
حزن يعقوب يومن ظاگ الفراگ
وجرح بيّه سبل يايوسف المسكين
كل راس اسبلة مظموم ألف اعراگ
وإنباگ الأخو رحنا نطالب بيه
ياوسفة طلع بإيد الاهل منباگ
من جانه السبع شمشم اظلوع الگاع
ماخلّه وأچل كل الجوانب ظاگ
سبعة من العمر مرن ييوسف ليش
وسنين القهر شابگن اهلي اشباگ
مرآنا حزن يشبه أحزان الخيل
من ترجف عجز يومن يبلش سباگ
حافرها يدگ وجه الدرب ملچوم
ويخون النفس يكثر عليها الشهاگ
گلتنّا سبع ياكل لسبع سنين
اشو مر السبع ويخربط بعده
وحزام الفقر كسر اظلوع الناس
وحزام الصبر من يفلت انشده
والمدة انتهت صفت ادغاث احلام
مانـگدربعد ونـحدد الــمدة
بديار الغرب ننتظر جيت العام
ونمني النفس للوطن بي ردّة
رغم عوز وفقر تلگانه عزة جبال
وإذا موجبل آكــيد من گــدة
مامات الوطن من قلة الخيرات
بس مر الوطن مليون الف شدة