* دلوعة الغيم

دلوعة الغيم ما هي بأى دلوعه
ذي غير حتى الدلع وده يدلعها

ما كنها ألا من الازهار مصنوعه
إمعتق العود كنه لمس أصابعها

فيها من الزين والاحساس والروعه
ما تجعل العين بالدهشه تتابعها

وفيها من الحزن والوجدان واللوعه
الونه اللي ما أحد يعلم دوافعها

عذبه كما سلسبيلٍ عذب ينبوعه
ترفه تفاصيلها كنك موزعها

صلفه ولاهي علي كيف العرب طوعه
فيها مزاجيةٍ ما أحدٍ ينازعها

فيها براءة طفل لانهلت دموعه
يريدله لعبةٍ مجنون صانعها

وفيها شموخ بدويٍ شيخ بربوعه
كل المصايب تحت حكمه يطوعها

تضحك ويهتز عرش الهم وجموعه
تبكي تسيل العطور بوبل دامعها

لاسولفت من سمعها ذابت سموعه
ومن الحلا كلمته يبلش يطلعها

بعيونها الموت يعدم مجد مجموعه
لالدت بعينها بأطراف برقعها

وفي وجنتيها زهور الورد مزروعه
شف حبة الخال تعدم من يطالعها

خاتم سليمان بالشفه ندّر نوعه
التوت كنه بلون الدم طابعها

من ضي نور القمر تقول مقطوعه
ما كنها ترفةٍ يذبح تميعها

فيها أعذب الشعر لو يخط مطبوعه
كنه من الزين والرقه يبايعها

وليل الهوى من غلاها ضوت شموعه
دلوعةٍ يقطع الله من يقاطعها

شعر : خالد الذيابي