* الوكاد
شعر : خالد الذيابي
كـل مــا نـاظـرت بعيـونـك يجيـنـي *** مـن بــلا الاشــواق شــيٍ يعتريـنـي
كـــن بعـيـونـك جـيــوشٍ مسـتـبـده *** باطـشـه تمـشـي بخـطـة موسليـنـي
أشعـل الاشـواق فـي وصلـك فديتـك *** أبـك قلـبـي مـعـك يـالـدر الثميـنـي
كيف أخذته من ورا حـدب المحانـي *** ليـن صـرت أحـس بـه بينـك وبيـنـي
الـعـيـون الـذابـلـه تـفـعـل بــــلاوي *** وأنـت عينـك فـي بحرهـا تحتوينـي
شـف هدبهـا كيـف بالاحكـام جايـر *** كـنـه يخـيـرك بـإحـدي حاجتـيـنـي
ياتعـيـش العـمـر مـجـروحٍ سببـهـا *** والله لتبطـي وجـرحـك مــا يزيـنـي
أو تجـر الصـوت بأسبـاب النواعـس *** تكتـب المسحـوب وتـجـر الهجيـنـي
الوكـاد أنـي سببـهـا رحــت فيـهـا *** كـنـهـا للـضـيـم والـقـتـل تحـديـنـي
سـاعـةٍ تـقــول لـلاحـسـاس قـــرّب *** وسـاعـةٍ تـقـول كنـهـا مــا تبيـنـي
يالطـيـف الــروح خـــاف الله فـيــه *** لاتـهــور خـابــرك عـقـلـك رزيـنــي
دامـك اللـي ساكـنٍ عيـنـي وقلـبـي *** وش ورا مسكنك في قلبـي وعينـي
أن بغيت أنصفك بإحساس المشاعر يقصـر الاحسـاس يابهـجـة سنيـنـي
والقصـيـد يضـيـع بأسبـابـك ولـكـن *** حـط كفـك لــو تـكـرم فــي يديـنـي
خــل كفيـنـي عـلــي كـفــك تـكـلـم *** خلـهـا تنبـيـك عــن شعـلـة حنيـنـي
وعن كثير الهرج أبغرق وسط عينـك *** وأستمـح منهـا فقـط فـي كلمتينـي
أنـت مـجـرم بالغـيـاب وبالتـواصـل *** والدلـيـل أنـظـر لـحـالـي مبتلـيـنـي
مـا يطفـي لوعـتـي لحـظـة وصـولـك *** غيـر ضمـك مــن يـسـاري لايميـنـي
ويش أسـوي دامنـي مخنـوق وانتـه *** عاطر انفاسـك بهـا كـل اكسجينـي
كنت أضمك في خيالي قبل أشوفك *** وصرت أشوفك وأتخيـل مـا تجينـي
طالـبـك بـســم المـحـبـه ياحبـيـبـي *** لاتغيـب أرجــوك خــاف الله فيـنـي