الموضوع
:
خالد الذيابي .. الشاعر الفيلسوف يحاورنا ..
عرض مشاركة واحدة
09-27-2010, 06:30 AM
المشاركة
12
سحر الناجي
من آل منابر ثقافية
اوسمتي
مجموع الاوسمة
: 1
تاريخ الإنضمام :
May 2009
رقم العضوية :
6969
المشاركات:
2,001
* الحر لامن خذا شهرين
شعر : خالد الذيابي
لاتنشـد الفكـر يـا نـشـاد وشـلـون هــاج *** تلطـم بـحـوره وليـلـه بالهـجـوس ســروي
أسري كما الذيب لاخطى بالعشـا ثـم راج *** وأرقب على المرقب العالي وقـام يعـوي
كونـت مـع قسـوة الايــام شـبـه إنـدمـاج *** فكـر حضـريٍ مجـرب مــع سـلـوم بــدوي
وأمنـت باللـي بـيـده الضـيـق والانـفـراج *** وكفـرت بإبليـس والـلـي يتبـعـه مـنـزوي
أفكار بعض العرب فيهـا غـوى وإرتجـاج *** وقـد قيـل بـأن الجمـل لاطـاح جالـه دوي
ما تعرف العذب حتي أنـك تـذوق الهمـاج *** ولا كل صاحب ولو صاحبـك يحسـب خـوي
الحـر لامـن خـذا شهـريـن وســط الـدجـاج *** كاكا مكاكا الدجـاج وعـن طبوعـه غـوي
يامـوزع الهـرج بعـض الهـرج مالـه مـزاج *** لاتبـلـش الـنـاس بالنـمـات طـبـخ وشــوي
ترمي المشاكيـل وأنتـه فلتـك مـن زجـاج *** ما يرمي أهل الصخا والجود كـود خلـوي
ولايـدرق عـن وجيـه القـوم خلـف السيـاج *** ياكـود رجـلٍ علـي مـا قيـل ماهـو سـوي
والله لتبطـي ولا قيـل لـك طلـق الحـجـاج *** أنتـه سجلـك عـن أهـل الكايـده منطـوي
في سوق بذل المكارم ما أنكتب لك خراج *** أمــك عقيـمـه لـونـك ياصـبـي مــن ذوي
وفي سوق كسب الهزايل تمتلك لك حـراج *** وأن قيل عـان السنـع عـن سكتـه تلتـوي
بعض العرب فيه عن درب الرجـال إنعـواج *** مـالـه دوى لــو تـربــع قّـلـتـه بـالـكـوي
أفـواه مـا تنتـج ألا مثـل وصـف العـجـاج *** وقـلــوب متنـكـسـه للنـاقـصـه تـهـتــوي
صحيـح مـن قـال بـأن الطايـلات أنتـهـاج *** ولا نالهـا كـود مـن يفعـل وعزمـه قــوي
بعّد الرجل عن محـل الريـب يحسـب عـلاج *** خـل الحلـوق الظـوامـي بالـزمـن تـرتـوي
رد مع الإقتباس