الضيقة اللي بوسط الصدر محشورة

* شعر : خالد الذيابي

جريـت صوتـي بعـد صبـري قضـى طـوره *** أدًلـــــه الـنــفــس بـألـحـانــي وأرددهـــــا
أخـــاوي الـلـيــل وأسـتـانــس بـديـجــوره *** وأرقــب نجـومـه قـبـل تطـلـع بمـوعـدهـا
الـهــم يـلـعـب بـقـلـبـي لـعـبــت الــكــوره *** لــعــب الـبــرازيــل لاقــامـــت تـســددهــا
والضيقـة اللـي بوسـط الصـدر محشـوره *** عـجــزت لالـقــى عـلــي حـاجــة تـبـددهـا
والـيـوم حـالـي مــن الكتـمـان مخـطـوره *** والظاهـر إنـى سببـهـا رحــت مــع يـدهـا
أضحك وأنا أعيش طعن الحزن وشعوره *** مـشـاعــرٍ يـتـعــب الـهــاجــس يـعــددهــا
أذوق طـــعـــم الـــحـــزن دوره ورا دوره *** وتــمـــر كـــــل الــمــواجــع وأتـفـقــدهــا
ليـل الوجـع ليـلٍ أظـلـم مــا أنبـلـج نــوره *** وجـمـر الـمـواجـع تـزايــد فـــي تـوقـدهـا
يامـوزع الضحـك دام النـفـس مـسـروره *** خـــل الـبـشـر وأنـتـبـه حــــذرا تـعـودهــا
لاشفـت شخـصٍ يعيـش الهـم مـع جــوره *** تـحــمــد الله قـــبـــل مــثــلــه تــوســدهــا
ويـن أنـت ياللـى سببـك الـروح مقـهـوره *** الـروح مـا فيـه غيـرك شخـص يسعـدهـا
هـواجـســي كـنـهــا ويــــاك مـســحــوره *** وبـغـيـبـتـك تــعــلــن بـــقـــوه تــمــردهــا
يــاروح روحــي وزرع القـلـب وزهــوره *** الـنـفــس وش فــيــك بالـغـيـبـه تـهـددهــا
للحـزن مــن غيبـتـك فــي داخـلـي ثــوره *** هــاذي ظلـوعـي عــن طعـونـك تنـشـدهـا
الـنــفــس ويـــــاك مـنـهـيــه ومــامـــوره *** يــلـــوح بــراقــهــا ويــــــدن راعـــدهـــا