الموضوع: كشكول منابر
عرض مشاركة واحدة
قديم 01-08-2016, 05:26 PM
المشاركة 1757
الصورة الرمزية ناريمان الشريف
ناريمان الشريف
مستشارة إعلامية

اوسمتي
التميز الألفية الثانية الألفية الرابعة الألفية الثالثة الألفية الأولى الوسام الذهبي 
مجموع الاوسمة: 6

  • غير موجود
افتراضي
سقى الله ع أيام زمان
ستي وهي قدي كانت صبية وامي متل عود الريحان ...
ختيرنا ياستي بدري وسكربنا كمان ...
ستي بعد ال60 حملو كيس الدوا وإحنا من هسا صار عنا كياس وعجزنا قبل الاوان
بشوفونا بقولوا صبايا يلا جيبيلك كمان واحد متل فلان وعلان ...
مش عارفين انو الصبية هالايام هي عجوزة زمان ...
ستي بتخلف بالحارة وعراسها السبت مليان..
وامي على الغسيل اجاها الطلق ودغري ولدت بساعة زمان
ونحنا دكتورة ومستشفى وممرضة واجهزة اشكال والوان
ومابتولد الوحدة الا بطلوع الروح وبعد لطف الرحمن
كانت ستي حلوةة وما كانت تحط مكياج والوان ..
وامي قمر ضاوي ماكان عندها غير المكحلة والحومرة السحرية تبع زمان
ونحنا على ايامنا علب المكياج وعمليات وسشوار
وبس تمشي الوحدة بالشارع بتطلع بتلاقي كلهم شبه بعض هالنسوان ...
على ايام ستي كانو ياكلو كلشي ويطبخو كلشي لا كان في سكري ولا ضغط ولا انسداد بالشريان وكانت الوحدة توصل لل 100 وهي قوية وتطارد ورا الصبيان ...
واحنا قال يعني صحي ومش صحي. ورجيم وماتاكل وتضلك جوعان وفش مرض الا صابنا والله المستعان
على ايام ستي كانو يقعدو بالحارة اولها واخرها ويسألوا عن بعض ويعرفو مين العيان
وحارتنا ضيقة وبنعرف بعض ويا حي الله الضيفان
وهالأيام جنب بعض ومابنعرف بعض والحارة وسعت وبطلنا نعرف حدا ولولا الفيس بوك والانستجرام كان نسينا اسامي بعض والبعيد اقربلنا من الجيران ...
وبس يجي ضيف بدو طلب وإستئذان وما أزنخه وما أثقل_دمه إللي يجي وما يتصل او يبعت مسج ل يزور السلطان
كان الزيت والزعتر وصحن الفول وقرص الفلافل وحبة البندورة في البستان وتلاقيهم ازكى اشي وبنشكر الرحمن
هالايام سكلوب ومالوب ومشوح وملوح وفليه وبانيه وبتاكل ومابتشبع وبتحس حالك عيان
ويرحم ايامك ياستي ويرحم ايام زمان
لما كانت الناس منيحة ويحبو بعض صحاب وخلان ولقمة_هنية_بتكفي_مية
والضيف ضيف الرحمن
وبيت الضيق بيوسع الف صديق وبالك مرتاح ورايق وتنام وموكل امرك للحنان المنان
ماكان في لا حرب ولا قتل وكان في معنى للانسان
وعلى ايامنا الانسان انهان وخربت الدنيا والعدل ضاع ومال الميزان
الامان بلله بس احنا نسينا معنى هالكلمة
الله يرحم ايامك ياستي وسقى الله ايام زمان .