منتديات منابر ثقافية - عرض مشاركة واحدة - تــــــركــــوا أثــــــلامـــــــاً ...

09-03-2010, 02:44 AM

المشاركة 13

ناريمان الشريف

مستشارة إعلامية

اوسمتي

مجموع الاوسمة: 6



جوزيف حرب

شاعر .. وأي شاعر
شاعر لبناني .. لم نسمعه يقول الشعر بالصوت
وربما لم نقرأه
لكننا كثيراً ما سمعنا كلماته تطير بأجنحة سيدة لها صوت مخملي ذو شحوب ..
سمعناه بصوت السيدة فيروز
وهي تصدح بحنين ومرارة

= لما ع الباب
لما عالباب يا حبيبي منتودع
بيكون الضو بعدو شي عم يطلع
بوقف طلع فيك و ما بقدر أحكيك
وبخاف تودعني و تفل و ما ترجع
بسكر بابي شوفك ماشي عالطريق
فكر أنزل أركض خلفك عالطريق
و تشتي عليي ما تشوفك عينيي
و أنا أركض وراك أمدلك أيديي
و أندهلك أنطرني حبيبي و ما تسمع
ما رح ترجع بعرف أنن غيروك
يا حبيبي و عذبوني و عذبوك
سهروا عينينا و فرقوا أيدينا
و صرنا كتير نخاف اذا نحنا تلاقينا
ما بنتلاقى الا وقت اللي منتودع =

إذا ما تحدث كان متهكماً ساخراً حيناً
وحيناً متسائلاً : ما معنى أن يصرف المرء عمره
لقصيدة ويخاف المغيب قبل أن تكتمل ؟!
الكتابة عند هذا الشاعر تعمق الشعور بمأساة الفراق بين الأحبة
لكنها الوحيدة والممكنة في غياب الحرية في عالم تحاك فيه
المأساة بأياد باردة
إنه شاعر الغيم واليمام والحنين
فالغيم العابر في نصه .. واليمام الحائر في كلماته
والحنين الدافيء في قصائده الوجدانية
التي لا تحرك أجنحتها الا وقت الغروب ..
أو وقت الأرق

= حبيتك تا نسيت النوم
حبيتك تنسيت النوم يا خوفي تنساني
حابسني براة النوم و تاركني سهراني
أنا حبيتك حبيتك أنا حبيتك حبيتك
بشتاقلك لا بقدر شوفك و لا بقدر احكيك
بندهلك خلف الطرقات و خلف الشبابيك
بجرب إني إنسى بتسرق النسيان
و بفتكر لاقيتك رجعلي اللي كان
و تضيع مني كل ما لاقيتك
حبيتك حبيتك أنا حبيتك حبيتك
يا خوفي إبقى حبك بالإيام اللي جايي
و اتهرب من نسيانك ما اتطلع بمرايي
حبسي أنت أنت حبسي و حريتي أنت
و أنتا اللي بكرهو و اللي بحبو أنت
يا ريت ما سهرت و خفيتك
حبيتك حبيتك أنا حبيتك حبيتك =

شاعر لا يكتب الفصحى .. لكن فصاحتها في معانيها
صدح بوجدانياته مع الغروب المطرزة بالفيروزيات
في الاذاعة اللبنانية قبل أن تأكل الحرب في لبنان الأخضر واليابس وفي أكثر الاذاعات العربية اليوم تكون فيروز
بصوتها وبكلمات هذا الشاعر تغذي الآذان بما لذ وطاب من اللحن الجميل
شاعرنا مسكون بظلال الشجر والسحب وهجران الطيور
عاش السنوات الأخيرة من عمره في قصر متواضع محاط بسور وله حديقة محلآة بأنواع النبت والزهر وعلى شرفة قصره جلس يتأمل الأفق .. انسانا ساهما ويقول :
هذا الفضاء .. رسالة في طيها كل البعيد
غلافها المختوم ..
زرقة السماء والشمس فيها طابع بريد
والذي يسمع الشاعر يدرك أنه عمـّر قصائده
ليسكنها الآف العشاق بصوت فيروز
ستائر قصوره تحولت الى استعارات بألوان قوس قزح
الداخل الى تلك القصور يحس بشجون يختلط بفرح
وألوان تشبه ما قبل الكلام
هل عرفت من هو ؟؟

إنه الشاعر جوزيف حرب
الذي كتب وكتب لفيروز وكأنه لم يكتب لغيرها
في أواخر عمره .. اعتزل الناس والدنيا عزلة تليق بشاعر ستيني غطى الشيب شعر رأسه المشتعل بالقلق والحب
ولما كان وحيداً اذ سؤل فاجاب :
إذا كنت وحيداً .. فهذا لا يعني أنني وحدي
وكان يقول :
الكتابة وحدها العزاء في ليالي هذه الأمة
إنها ليال ٍ طويلة نعيشها منذ أكثر من ألف عام
ولم نمت .. أخشى عندما تصل الى الصبح أن تصاب بالعمى الكامل .. لأنها لم تؤسس لاطلالة على الفجر .. بل عاشت في سكونية الليل وسكونية المطلق
رحم الله الشاعرجوزيف حرب الذي كان يقول قبيل وفاته :
ويزورني الموت قبيل النوم لأُنعش على أكتافهم
أو فوق أضلعهم حجارة .. وبرغم خوفي من هياكلهم ..
أراهم طيبين .. على مراكب صوتهم ألم .. وفي أعماق أعينهم مرارة .. لم يسألوني مرة : الم تنتهي رد الزيارة ؟ !
هكذا يضيف جوزيف في أواخر عمره شعرا تعتق في باله
هكذا هو .. وحيد لكنه ليس وحده ومتعدد
وهكذا يشعر الزائر للشاعر الذي انتهى أمام نص شعري من
ألف وستمئة صفحة .. وكأنها صفحات حساب مع الوجود
انتهى الشاعر ومات .. لكن كلماته لم تمت في صوت فيروز
والتي يؤرقنا الاشتهاء كلما صدحت بكلماته
وهذه بعض من كلماته التي غنتها فيروز ..

= البواب
على باب منوقف تنودع الأحباب نغمرهن و تولع ايدينا بالعذاب
و بواب بواب شي غرب شي صحاب شي مسكر وناطر تيرجعوا الغياب
أه البواب
وقت اللي بلوحلك و بسكر الباب بياخدني الحنين
بفكر رح اشتقلك بفكر عا هالباب رح انطر سنين
أه يا باب المحفور عمري فيك رح انطر و سميك باب العذاب
في باب غرقان بريحة الياسمين في باب مشتاق في باب حزين في باب مهجور أهلو منسيين
هالأرض كلا بيوت يا رب خليها مزيني ببواب و لا يحزن و لا بيت و لا يتسكر باب
ورقو الأصفر
ورقو الأصفر شهر أيلول تحت الشبابيك
ذكرني و ورقو دهب مشغول ذكرني فيك
رجع أيلول و أنت بعيد بغيمي حزيني قمرها وحيد
بيصير يبكيني شتي أيلول و يفيقني عليك يا حبيبي
ليالي شتي أيلول بتشبه عينيك
يا ريت الريح إذا أنتا نسيت حبيبي أول الخريف و ما جيت
ينساها الحور و قمرها يغيب و ليلا يطول
و نبقى حبيبي غريبي و غريب أنا و أيلول
*****
طلعلي البكي
طلعلي البكي نحنا و قاعدين
لآخر مرة سوى و ساكتين
بعيونك حنين و بسكوتك حنين
لو بعرف حبيبي بتفكر بمين
بالقهوة البحريي و طلع بإيديك
و تشرب من فنجانك و إشرب من عينيك
و تهرب مني تضيع و ما إرجع لاقيك
و انتا قاعد حدي و عم فتش عليك
و خبي وجي شوفك مدري مع مين
لو بقدر لافتش عليك و لا لاقيك
الكذب الغيم المارق و المنفى سميك
اعطيني اهرب منك ساعدني إنساك
تركني شوف الأشيا و ما تذكرني فيك
بيكفي و أنا عندك شو خسرت سنين
******

فيكن تنسو
فيكن تنسو صور حبايبكو
فيكن تنسو لون الورد و ورق رسايلكو
فيكن تنسو الخبز الكلام أسامي الأيام و المجد اللي الكن
لكن شو ما صار ما تنسو وطنكن
أنا البيسموني الملكة بالغار متوج زمني
و مملكتي ما فيها بكي و جبيني و لا مرة حني ما حني
شعبي دهبي فرحي و غضبي
بترك صوتي و ما بترك وطني
خليك بالبيت
خليك بالبيت هلق حبيت
رح كون وحيدي وحدي فليت
الله يخليك خليك بالبيت خليك
خليك بالبيت هلق حبيت
رح كون حبيبي وحدي فليت
الله يخليك خليك بالبيت خليك
خليك لا تروح مشتاقة ليك
خليك كتير حبيت عينيك
و ما بعرف ليش و بغار عليك
الله يخليك خليك بالبيت خليك
ما تضل عالباب كرمالي فوت
ما خلى الليل طرقات و بيوت
ضجراني و شوب و كتير سكوت
الله يخليك خليك بالبيت خليك

=رح نبقى سوى
من يوم التكون يا وطني الموج كنا سوى
ليوم البيعتق يا وطني الغيم رح نبقى سوى
تاجك من القمح تمنيتلك السلام
و شعبك بيحبك لتبرد الشمس و توقف الإيام
عا رماد اللي راحوا عا خاتم الزمان
على حجار السود اللي بقيو من الحيطان
عا منديلك إمي عا بواب البيوت
عم بكتب يا وطني الوطن ما بيموت
و أنت أنت من يوم اللي كنت أنت
رسمتك سنابل شهدا و حمام
رسمتك يا وطني وطن السلام
من إيدين الفقرا و شباك الصيادين جايي الحريي
و من الشمس المحفورة بعيون المظلومين جايي الحريي
و من الحق الضايع إلا من الشوارع
من شهدا الأرض الماتوا للأرض وجوهن منسيي
جايي النصر و جايي الحريي
ما قدرت نسيت
زعلي طول أنا وياك و سنين بقيت
جرب فيهن أنا إنساك ما قدرت نسيت
لو جيت نهار عابيتي لقيت إنك حبيبي بغيابي جيت
بتشوف إن ما مرقوا إلا إيديك على هالبيت
كإنك حبيبي و أنت عينيك هلق فليت
يا ريتك هون حبيبي و ليل
و يكون نبيد و شمع الليل
و أكتبلك عا ورقة حتى ما قول ما بقدر قول
يا ريتك مش رايح يا ريت بتبقى عطول
اسوارة العروس
اسوارة العروس مشغولي بالدهب
و انت مشغول بقلوب يا تراب الجنوب
رسايل الغياب مكتوبه بالسهر
و انت بالعز مكتوب يا تراب الجنوب
و بتولع حروب و بتنطفي حروب
و بتضلك حبيبي يا تراب الجنوب
اللي حامل عكتافو زيتون و سنابل
قلعة بحر صور صخرة جبل عامل
اللي حامل وراق شعرا و عشاق
القمر مخبيلن لعراسن خواتم ما بيقدر يحمل ظالم
و شو ما اجا شعوب و شو ما راح شعوب
كلن راح بيفلو و بيبقى الجنوب
لما بغني اسمك بشوف صوتي غلي
ايدي صارت غيمي و جبيني علي … يا جنوب
الشمس بتطلع سودا و بيبس الموج
اذا بفكر انو ترابك مش الي
و يا شعب الشعوب الأقوى من الحروب
بتبقى اذا بيبقى يا شعب الجنوب
بليل وشتي
بليل و شتي صوتو مسموع يا هوي اغمريني يا هوي دموع
تنين عاشقين قاعدين دايبين عميحكو سوا على ضو شموع
عينيهن ببعضن إيديهن بردانين و شفافن عشاق مع بعض سهرانين
و مرقي يا سنين و تلجي يا سنين
خلي بواب الليل علينا مسكرين أه ولا يعطش حدا منا و لا يجوع
بلون الفراق ال بآخر قصتن ع خيوط الشتي مكتوبي سهرتن
و ما بين بوستن ع الشمع و آهتن
كل ما تذكرو هالباب بتنزل دمعتن أه اللي من جمرتا قلبن موجوع
******

اسامينا
اسامينا شو تعبو أهالينا تلاقوها و شو افتكرو فينا
الأسامي كلام .. شو خص الكلام .. عينينا هني أسامينا
لا خضر الأسامي و لا لوزيات
لا كحلي بحري و لا شتويات
و لا لونن أزرق قديم ما بيعتق
و لا سود وساع و لا عسليات
و لا فيهن دار دار الخمار
علينا و بلش يسقينا
تلج و ورق طاير و المسا حزين
و ضباب و قناطر نحنا بردانين
لملمنا أسامي اسمي عشاق
من كتب منسيي و قصايد عتاق
و صرنا نجمع اسامي و نولع
تصارو رماد و ما دفينا

لبيروت
لبيروت من قلبي سلامٌ لبيروت و قُبلٌ للبحر و البيوت لصخرةٍ كأنها وجه بحارٍ قديمِ
هي من روحِ الشعب خمرٌ هي من عرقِهِ خبزٌ و ياسمين فكيف صار طعمها طعم نارٍ و دخانِ
لبيروت مجدٌ من رمادٍ لبيروت من دمٍ لولدٍ حُملَ فوق يدها أطفأت مدينتي قنديلها
أغلقت بابها أصبحت في السماء وحدها … وحدها و ليلُ
أنتِ لي أنتِ لي آه عانقيني أنتِ لي رايتي و حجرُ الغدِ و موج سفرٍ
أزهرت جراح شعبي أزهرت .. دمعة الأمهات .. أنتِ بيروت لي أنتِ لي آه
عانقيني

....... الى هنا
مع تحياتي ... ناريمان الشريف