فاتحة على قبر أمي
=======
كان صديقي الشاعر " ابن الريف " يراها :

( ماكانتش تحب اللون الباهت
كانت لما تحب
تحب صبابة
وأما بتكره تكره موت
وأما تغنى يبقي الفرح علي البوابة
وأما بتحزن يبقي الحزن ربابة
كلنا في نظرها عيال
العيل جه .. العيل راح
مع ان الناس في الشغل
يقولوا علَّيه الاستاذ
وفي الحارة سعادة البيه
لكن هى تقول :
منين حايجينا الراجل عاد
والواحد منكم أن نام محتاج اللي يغطيه !! )

رحمة الله عليها وعلي كل الأمهات
علي ماعلمتنى أن أكون هكذا في الحب والفرح والحزن
وأسكنهم الله الفردوس الأعلي !!