حصة إحتياطي في أحد فصول الصف الرابع السبب غياب المدرس الأساسي المكان : الدور الرابع حالة من الفوضى و الكر والفر تلاشت تماماً بمجرد مشاهدة الشيخة عصايه المفروض إنها حصة رسم لكن جعلتها حصة للحوار تركز الحوار عن الشيخة عصا وخوفهم منها وكيف تجعل المدرس يحترمك ثم جاء دور الأسئلة وطلب ممن عنده سؤال أن يتفضل بطرحه أول سؤال .. لو سمحتي يا أبله أروح أشرب الثاني أروح الحمام و الثالث الولد اللي جنبي ضربني ، البنت دي شدت شعري طلبت منهم سؤال مختلف نستفيد منه جميعاً رفعت إحدى الطالبات يدها .. قلت : إتفضلي قالت : اللي جنبي عايزه تسأل و مكسوفه .. توجهت بالسؤال للجالسة بجوارها ما سؤالك ؟؟؟ تخيلوا لم أتوقع مثل هذا السؤال قالت وهي تخفي رأسها بيدها ما معنى حُب ؟؟؟ أعدت سؤالها لباقي الطلبة البعض ظهرت عليه حاله من الذهول والبعض الأخر الخجل و منهم من قابل السؤال بالضحك واحد قال أني أحب امي و أبي والأخر أحب بلدي و واحد ممن ضحكوا قال لما أكبر أحب خطيبتي أما إجابتي فكانت ... طلبت من أحد التلاميذ الوقوف أمامي وسألته لو عرفت إن أخوك مصاب هتعمل إيه ؟؟ قال : أجري بسرعه بيه على الدكتور فقلت : وتجري ليه للدكتور قال : علشان يعالجه قلت و يعالجه ليه ؟؟ قال : علشان مصاب قلت و إيه المشكله و أنت مالك هنا رأيت الغضب في عين التلميذ الذي بادرني بقوله و أنا مالي إذاي دا أخويا قلت بهدوء عادي وقبل أن أكمل قال أخويا وبحبه أخويا وبحبه يا أبله هل عرفتم معنى الحب الحصة إنتهت ولكن علاقتي بهم لم تنتهي قبل خروجي من الفصل تسلمت من أحد الطلبة أجمل هدية وردة حمراء اللون مازلت احتفظ بها