من اغاني الشاعر الراحل كاظم الرويعي الرائعة عشگ الگاع -- ياعشگنه الاغنية الجماهيرية التي فازت بالجائزة الاولى لسنة 1975 غناء مطرب الشعب فؤاد سالم والمبدعة شوقية ضمن أول أوبريت عراقي -- بيادر خير : يا عشگنه فرحة الطيراليرد لعشوشه عصاري ياعشگنه ايمد سوابيط العنب ونحوشه عصاري گاعنه فضه وذهب وأحنه شذرها ياحلاة العمر لو ضاع ابعمرها ياعشگنه -- يا عشگنه **** خذني للمرواح عود خذني سن المنجلك ومن يشع ضي الخدود شمعه وبديرة هلك اضوي ليام الحصاد الجايه والبيادر چالجبال العاليه ماينه -- أشطوط وسعد وأنسامنه -- اطيور وورد گاعنه فضه وذهب واحنه شذرها ياحلاة العمر لو ضاع ابعمرها ياعشگنه -- ياعشگنه **** ايدي وايدك عالمساحي الدنيه تموز وشمس وليلي اضوه من صباحي والوكت زفة عرس اتطوف اغانينه ابشلبنه وهورنه ولوسعينه الخير خير ايزورنه آمالنه -- اتطگ بالشجر وجبالنه -- ابعلو الگمر گاعنه فضه وذهب واحنه شذرها واشحلاة العمر لو ضاع ابعمرها ياعشگنه ---- ياعشگنه ********** حميد عاشق العراق 8 - 2 - 2012