بعض أغاني الأطفال من التراث الفلسطيني
 

يا رايح على الشجرة
جبلي معك بقرة
حلابة العشرة
تحلب وتسقيني
يا رب تنجيني
انظروا انظروا يا ولاد
ربانا شيخ الشباب
اللي عيون سود سود
مكحلات براس العود
....................

حدوته بدوته ،،،،،،،،، طلع الشيخ ع التوته
والتوته بدها فاسة ،،،،،،،، والفاسه عند الحداد
والحداد بدو بيضه ،،،،،،، والبيضه عند الجاجة
والجاجة بدها علفة ،،،،، والعلفة بالطاحونة
والطاحونة مسكرة ،،،،، فيها مية معكرة
...............

حطو مقص على مقص ،،،، سبع عرايس تنزف
حطوا منخل على منخل ،،،، سبع عرايس تدخل
اشتي وزيدي ،،،،،، بيتنا حديدي
عمنا عبدلله ،،،،،،،، رزقنا ع الله
شمست شمسية ،،،،،،،،، على قريعة عشية
عيشة بالمغارة ،،،،، جابت قط وفارة
ضربته ع تمه ،،،،،،، راح يعيط لامه
فتت له فطيرة ،،،،،،، ع قد الحصيرة
................


يا فاطمة ،،،،،،،،،،، يا عونك
اين الجمل ،،،،،،،،،، بالقنطرة
شو ياكل ،،،،،،،،،، حب الذرة
شو يشرب،،،،،،،،، قطر الندى
هالباب يفتح ،،،،، ما يفتح
هالباب يفتح ،،،،،، ما يفتح
هالباب يفتح ،،،،، يفتح ، يغلق
ليلة عرسك ،،،،يا فلان
لا كرشة ولا مصران

شتي يا دنيا وزيدي،،،،، بيتنا حديدي
عمنا عبد الله ،،،، رزقنا ع الله
شمسي يا شمسية ،،،، ع عروق عيشة
عيشة بنت البابا ،،،،، بتلعب ع الشبابة
يا قمرنا يا جدع ،،، يا اللي مشنشل بالوداع
بناتك ستة سبعة ،،،، بلعبن على القبعة

...................................



وهادي تهليله للطفل قبل النوم



نيمتك في العلية ،،،،،،، خوفي عليك من الحية
تعاليله يا بدرية ،،،، بركن على صوتك ينام
نيمتك بالمرجوحة ،،،، خوفي عليك من الشوحة
تعاليله يا عندورة ،،، بركن على صوتك بنام


.................

أو نني نني


هذا الاصطلاح أو نني يستعمل كثيرا عند تنويم الطفل
وكلمة ( نن ) ليست عربية بل ايطاليه ورومانية لها نفس المدلول الذي نستعمله في أثناء تنويم
الطفل .

أ .ماجد
احلى مافي الوجود هي اغاني الاطفال
عندما يجتمعون وينشدون بها
ممتعة تلك الاناشيد
التي كتبتها لنا
بوركت