إبن القاضي يقاضي القاضي
من هذيان صائب القاضي

---------------------------------

شِرِّيكَ القلبِ ما هَمّك إذا مَظلُّـــــــوم
دَنا بِفراش قَضوَاتَك يِقَاضِينــــــــــي

أَبَد ما خَان لُو ضَاقَت بِهِ العلّـــــــُوم
يِجَارِي الليل وَاوجَاعَه شِرايينــــــي

تَرَى مِن فات بضلوعِي طَلَع مَحروُّم
شِحِيحَ الوَجهِ مَكسوُرٍ يِعَادِينـــــــــي

رَجِيت الله يا ربِ السَمَا وِغيُّــــــــوم
يِعِيدَ ايام لُو تُذكُرهَا يا زِيـــــــــــــنِ

كِنِت تِشتَاق تَاخِذنِي بِعِزَ النُـــــــــوم
تِعَافِ الناس لُو غَابَت تِنَادِينِـــــــــي

هَنِيَ البَال كَم طَاحَت بِقَلبِي حمُــــوم
إذا ذِكراك زَارَتنِي تِواسِينـــــــــــــي

أَلا يا خِل يَكفِيني إِذا فِي يـــــــــــُوم
هَجِيرَ الشُوق مِن صُوبَك يِدَفِينـــــي

طِرِيح بلاَد وِبلادِي سِفيِنَة تعُـــــــوم
بحَر دِنيَاك لُو تِرضَى تِرَسِّينـــــــــي

تَرَى مَا عَاد يا قاضِي الغَرام غـرُوم
وَلا فِي العُمرِ أيَامٍ وَلا سنِيــــــــــــنِ

فَخَلِ الشُوق يَاخِذنِي بِهَذَا اليُـــــــوم
خَذِيت الرُوح وخَلِيت الظمَا فِيِنــــي

شَفُوفَ الطِيب طَاب إِللي بِهِ السمُوم
تَرَى سُمَك حَبِيبَ الرُوح يِحيِنـــــــي


صائب القاضي