منتديات منابر ثقافية

نفسي انفض
قلبي منك
إنًما
نفسي اقول لك
فكي روحك
إنما
حتتين مني
بينادوا
يا بابا
اوعى تبعد بيتنا
عن ضي الأمان
مستحيل الشمس تطلع
واحنا عن ضلك بعيد
رح ننادي لمين
يا بابا؟
رح نغني لمين
يا ماما؟
ومين هايفرد رحمته
يزيح عنا الأنين؟
ويجيب لنا
لبن النهار؟
هاتجيب لنا
واحدة غريبة
تكون لنا
ضرة وجحيم
ولًا
هاترمينا لغريب
يا ذلًنا
بين نار هناك
وجور هنا
يا يُتمنا
وجذورنا مفرًقين
لسًه بتحنً لماضيك
لسة بتقطًع صوابعك
عاللي فات
حاسس انك خبت
من دون الرجال
جار عليك الزمن
وبدون تمن
بعت نفسك
للضياع
إيه ذنبنا
إنكو
مش عملة واحدة
بضرفتين؟
إنت بتنادي الشروق
هي تختار الغروب
إنت بتحب الشَمال
هي بتعز الجنوب
إيه ذنبنا
تنسونا
وانتو بتخرجوا
من بعض
ليه؟!