|
زمن ابن بندوق
زمن ابن بندوق!
----------------- هذا زَمنْ إِبِنْ بندوق ما عاد فيه صَديق صَدوقْ وما عاد حدا يِترَوَّى كُلُّو مستعجلْ محروقْ لازم يركب طيّارَة ويملك أحلى سيّارة ويكون مختار الحارة ولو قَعَدْ عَلى خازوق! ولازم ينزل في أوتيل ويلبس من آخر موديل ويتصوّر مع مدموزيل ويثبتلَك إنّو معشوق! وفي منهم بعمل شاعر وبتلاعب بالمشاعر حِكُّو بتكتشفُه عاقر وثلاثتِربَعْ شِعرُه مسروق ولَمّا بضحك في وِشَّك من ورا ظهرَك بيغشَّك وبْسَمِّ لسانُه بيرشّك إنْ مَرّة قُلتِلّو: "ذُوْق"! جورج جريس فرح - أيلول 2022 |
| الساعة الآن 06:43 PM |
Powered by vBulletin® Copyright ©2000 - 2025, Jelsoft Enterprises Ltd.