|
أيوه بغير
أيوه بغير - الشاعر المصرى هشام الجخ و بقولها .. أيوة بغير أيوة بغير لا أنا نقصان و لا ضعفان و لا مسطول و لا سكران و لا زايل من عينى الضى و لا حد أحسن منى فى شى بس بغير و اللى قالولك غيرة الراجل قلة ثقة او قلة فهم خلق حمير غيرة الراجل نار فى مراجل نار بتنور مبتحرقش و احنا صعايدة بنستحملش شمسنا حامية و عرقنا حامى و طبعنا حامى و اللى تخلى صعيدى يحبها يبقى يا غُلبها أصلنا ناس على اد الطيبة كلنا هيبة و النسوان فى بلادنا جواهر طب لو عندك حتة ماس هتخليها مداس للناس !! و للا هتقفلى أوضه عليها بمية ترباس يمكن حتى تاجرى ليها جوزين حراس يبقى أنا لا أنا غافل و لا جاهل كل الفرق ما بينى و بينك إنى صعيدى ينعل أبو ده اليوم الأكحل اللى طلعت لقيتنى صعيدى لو كان بإيدى كنت اعملك هندى بريش و أجلب شعرى كنيش كراويش و ألبسلك سلسلة متدلدلة خرزة و قلب بس إزاى ألبسلك سلسلة هو أنا كلب !!؟ ثم العبرة مهيش فى اللبس أصل المشكلة مهيش فى اللبس أصل المشكلة عندك .. عندك .. عنادك قلت هسيبها و بكرة تحس بعده تحس بعده تحس ده أنا لو جبس كنت زعقت ماشى صداقة و ماشى زمالة بس مجتش على الرجالة ما هى نسوان الدنيا كتير و انا مبقولش تخاصمى الناس و للا تتحجبى عن الرجالة و لا تعتكفى و تسكنى دير بس ياريت حبة تقدير انى بحبك و إنى بريدك و إنى زرعت حياتى فى إيدك و إنى غزلت بنات الدنيا عقود على جيدك و إنى تعبت من التفكير و إنى بغير شاهدوها إليها هنا بإلقائه : |
رائع إختيارك
وتدعيمك للقصيدة بالإلقاء الحي للشاعر |
اقتباس:
شكرا لمرورك . |
ساره
جميل ما قرات هنا وللعلم اول مره اقرا شعرا شعبيا باللهجه المصريه دمتي بخير عزيزتي |
| الساعة الآن 02:42 PM |
Powered by vBulletin® Copyright ©2000 - 2025, Jelsoft Enterprises Ltd.