اِشمالك ياوطن
 

اِشمالك ياوطن مو مثل الاوطان
وعيدك من يمر مو مثل الاعياد
نِكْتَتْهُم بسيطة وتِضْحِكْ الروح
ولو مليون نكتة اِمْعَبْسَه بغداد
آلاف المذاهب عدهم اِهناك
وماصارت مذابح تنذكر غـــاد
واحنه اِثنين والدم حَمَّرْ الكاع
وننشد وين أهلنه الجانوا أجواد
يحلّون المشاكل واحنه خوّان
وسويّه الهالبلد حقّقنه الامجاد
ابوك وجدّك انت وشوف الانساب
لابد ماتجمعك بيّه الاجــــــــداد
دحط ايدك بديّه وشوفنه اشلون
والله ابشهر نطرد كل الاوغاد
تلاميذ احنه جنّه ونبقى للدوم
وعلينه الوطن جان ويبقى الاستاد
************

استاذي العزيز خالد الزهراني وهل لدينا غير العتب والحزن... دمت أخا

الشاعر الكريم
عبد الستار الطائي
تبقى بغداد معبسة
مادام الخائن يدنس ارضها ويشتم هواها
تحياتي لك اينما كنت