مچتول بسمارك
مچتول بسمارك من حسنك لگيت الروح تحچي اهموم گلي بياذنب من نزلت الدمعة جسيت الگلب والگلب مامجيوس كومة اسنين ساكت محد يسمعة خليني اعلة صبري راهم آنة اعليه مو صابر دليلي وحچيك ايفزعة هيجت المعاتب والحچي المضموم ومكابر دليلي وصدك ايگطعة صفطت السوالف چلمة چلمة وياك والشوغات حلفن سري اطلعة مدري شبدلاك وصابر آنة اعليك وذنوبك چثيرة وچتلي امشرعة يلحسنك نهار وشايخ اعلة الليل وطبعي شما اغيرة مچلب ابطبعة خصرك ياترف سبحان من سواه اوجر حيل بية وزيد الجرعة مچتول بسمارك والگلب يهواك رمشك بالحشا يالساحر مودعة صديت الاجاني منك بيمناي غافلني دليلي ومرك اتجرعة من شچيت گلبي بفالة ما وجيت وصوابك غميج ولا دوة ينفعة تحملت الوجع اوصار بية اصار ردتك تتنخي وصياحي اتسمعة حسن الشيخ ناصر |
حسن الشيخ ناصر .. وكأنه عقد من الأحاسيس سيدي ما علقته باتقان على جيد البوح .. تعابير ماسية بيراع أخضر سيج الجمال على قوافيك .. شكرآ كبيرة لقلبك .. تقديري |
الفاضلة والأديبة الراقية سحر الناجي حضور مهيب شكرا لجمال تعليقكم وعذوبته لروحك المباركة السلام وكل السلام حسن الشيخ ناصر |
من شچيت گلبي بفالة ما وجيت
وصوابك غميج ولا دوة ينفعة تحملت الوجع اوصار بية اصار ردتك تتنخي وصياحي اتسمعةلاتعليق على قصيد يكتبه حسن الشيخ ناصر فهو روعة بل الاروع تحياتي ياابن بلدي |
الراقية والمبدعة أميرة الشمري
الروعة يكتمل نصابها بمرورك على حرفي شكرا لك ولإطرائك يا ابنة العراق الأشم لك مني أعذب الود حسن الشيخ ناصر |
الساعة الآن 11:40 PM |
Powered by vBulletin® Copyright ©2000 - 2024, Jelsoft Enterprises Ltd.