منتديات منابر ثقافية

يسئلوني عليك وبيش اجاوبهم لو طال السؤال وطالت المده
صديقك ما اجه ولا مر عليك بيوم واكلهم مشغول وعذر عنده
صديقك هم نسه لو هلوكت مودات يصاحب وكت ويهده
لو بعد الصداقه يجرب النسيان بلكن شوكك يرده
حرت وحتارت الجلمات وباب الاسئلة منو يكدر يرده
حرت شرتجل وشحجي وشكول اهواي كلبي اتنازل وعده
حرت وحيرتي مثل اللي يبلع موس يحجي لو سكت بكل حالته شده
يسئلوني عليك وشنهي ردي ايكون
احجي وحيرتي يسبكه دمع اعيون
يسئلوني عليك وحرت شنطي اجواب ودمعي اللي نزل منو يكدر يرده
اسئلك يا زمن شنهي التغير بيك وكتك هم عكس لو مال وترده
لو وكت الصداقة وكهكة وكعدات كلمن وكته اليوده
وتاليهة الصداقة مثل كاس وماي شيلمه طاح وتبده
وتاليهة الصداقة مثل حرب اخوان يكتلك لو صرت ضده