( يا حبيبتي أنتِ الأصل )
……………….



الكل بيدفا في عنيكي
الحب خَطُّه في ايديكي
لو اتسرسب القريب يعود
والبعيد بيرجع ليكي
ايه خلا عنيكي تدمع
والحال يصعب ويوجع
يا حبيبتي أنتِ الأصل
وغيرك عمره ما ينفع
وإن كان غُصن مال
مصيره في يوم يرجع
عودك منبع الأغصان
والزمن بيقلع ويزرع
المصير شايفك عروسة
النيل مزين فستانك
التاريخ سماكِ محروسة
العزة درة في تاجك
أرض الكنانة وحمى العروبة
أم الدنيا بداية عنوانك
في القرآن والسيرة مذكورة
شرف الإنسانية مقامك
..


أحمد عبد العظيم

الأستاذة / آية أحمد
حفظ الله مصر وجميع بلاد المسلمين ووقاها شر كل خائن وحاقد وكل عدو يتربص بها ويكيد عليها ويدبر لها.
أشكر مرورك الكريم وتعليقك النبيل
كل التقدير والاحترام