منتديات منابر ثقافية

تخمين...؟!

كلمات: جورج جريس فرح

يوم العلم
كُنتِ بْحَدّي
هون
فوق المصطبِه
تْغَنّي معاي وتِلعَبي
وترتاحي لمّا تتعبي
يوم العِلِم!!

شو طمَّعِكْ
شو طلَّعِكْ
مِنْ هالحمى لْسابِع سَما
فَوقِ القَمَر
شو أبعَدِكْ
خَلفِ النِّجِم؟

تخمين يَعني اللي مَضى
بَيناتِنا
راح وانقَضَى
مثل الحكايا العابرة
بْلَمحِ البَصَر
مِثلِ الحِلِم...

تخمين كنَّا بالغفا
ثنَيناتْنا
والدّهر يكتب بالقَلَمْ
قصّة ألَمْ
تَخمين كنّأ يومَها
بخْييالنا ننسِج وَهَمْ
فوق الوهَم؟

تخمين بَعد بترجَعي وبتنزَلي
عالأرض حَدّي
تلعبي وتتدَلَّلي
وبرجَع أنا
كيف كنتْ أيام المَضَتْ
أعزِف على وْتارِ الهَوَى
أحلى نَغَم...!