منتديات منابر ثقافية - يشهد الله ما ولهت إلا عليك

ياغرامٍ همت فيك وذبت فيك = لو يطول الصد قلبي مانساك
غايبه وبخافقي مالك شريك = وماملك عقلي وتفكيري سواك
يشهد الله ماولهت الا عليك = ارحميني يوم عذّبني جفاك
ارجعي مادمت اهذري بك وابيك = ياقمر في طلّتك تضوي سماك
ابتديتك حب والله ما انتهيك = وفي حياتي ماعرفت الا هواك
كل ماغبتي عن العين احتريك = وابتهج وارتاح في ساعة لقاك
احتوي قلبي مثل مايحتويك = وعلّميه ان الوفا كله وفاك
قلب من زود المحبه ذاب فيك = لو يطول الصد والله مانساك