لوايح
 

عايزني أسمع إزَّاي كلامك
واصدَّق الدمعة وأحلامك

شُفتك وانتَ بتشتم فيه
وشفتك تمدح وتقسِّيه
مش بلاقيك راسي على بر
ولَّا العيِّل بتربّيه
ومضمون كدا قرشك وسلامك


مالكش عدو غير دول في الكون
ومرمي فحضان بني صهيون

شفتك قلت الله يخلّيه
وفوَّضته فكل ما يمضيه
وواد في الصُّورة جريح تبكيه
وتلعن اللي ما يسأل فيه
جُم سألوا نشَدْت انا في العون


جِبت يله الفهلوه دي منين
وقلبك أوي على صُلح اتنين

شفتك صالحت اسرائيل
وأخوك لسَّه فضيم وعويل
والمأذون شال المنديل
من كُتر ما يطلع لك ديل
وبقيت رسمي.. تخزي العين


شاوِر لِنفسك ساعة النصايح
وارضي اليهود بزينْة الدّبايح

عربي وضيف شكواه تعِرَّك
تاايه ومحيَّر أمرك
أمَّا الخير يصبَح شرَّك
واللي يسُر العدو سَرَّك
تقضي العمر هوان ولوايح