|
مختارات من شعر طلال حيدر
هـ الكان عندن بيت وصورة عليها ناس معلّقين بخيط وقعوا عن سطوح العمر وسْتلَقِتّن الحجار وِقْعوا متل ما بيوقع المشمش على ولاد الزغار وين أهلي؟ وين طاحونة حزن خيي الزغير؟ وين طيارة ورق نومي على هزّة سرير؟ وين الإيدين؟ الحطّت اْبريق الشتي فوق الحصير وين شبابيك الفات منها الصوت متل الزمهرير وين رمان السقف مقطوف ومعلّق متل عُمْر الكبير لك.. عنّ يا قلبي متل هـ النحل جُوّات القفير وقع العمر ما بين إيد وبين هزّات السرير |
حزن الميدنة أوعا تسمّوها بتحزن ميدنة بيوقع أدان العصر وبينسرق سيف النبي وما بيلتقى بمصر إنت الشام مزيّنة وإنت قواس النصر وقفوا العرب ع سلاحهن لمن فردت الشَعر.. تمنيت حالي دهب تاصير متل الشام وتغار مني حلب وما عود فيي نام هـ الموت ع ضهر الفرس مارق بهالإيام والناس ع كتر النعس كل ما مرق بتنام |
جمييييييييل جدا سأتابعك إن شاء الله |
الغالية ريم سلام الله عليك أشكرك أولاً على إضاءة منبر ديوان العرب بحضورك وثانياً على هذا الشعر اللطيف ل ( طلال حيدر ) لا أخفيك .. كلماته العامية ذكرتني بفيروز وشعرت بأن هذه المقطوعات تغنيها بصوتها الرائع لا حرمني الله من طلتك العزيزة على قلبي وللشام تحية تحية ... ناريمان |
الأستاذة الغالية ريم بدر الدين مُختاراتٌ عَذبة ومُعبرة تنثالُ نبراتُها بـ عَبقِ الياسَمين دامَ رحيقُ الأناملِ أيتُها الوَضاءة أوْقدَ الغبْطةَ في الخَلجَات تقديري |
أديبة المنابر ريم بدر الدين المحترمة
اختيارك هالمرّة كتير كتير حلو . . وهاي قصيدة جديدة لهلشاعر الحلو : ** طقس طلال ** بيتي متل ورقهْ احترق ما عاد عندي أهل شبّهتِك بها السهل بقرص العسل عملو ع مهلُهْ النحل شبّهتِكْ بحالِك بالعمر ماشي وراك يلملم خيالِك وجّك طقس متل الصحو دايخ و مش سكران متل الشتي نازل على حزيران شبهتك بقوس القدح جايي على لبنان وجّك وطاف النيل غرّق مصر في مملكِهْ عم تنسرق مفتوح باب القصر وجّك من هون بيحدّو الشتي و من هون حَدُّهْ التلج وشاعر حمل حاله بها الموت وحده و هجّ شبّهتك بكل الدني من بعدِك عليها السلام بس تفرحي بيطير من صدري الحمام وبس تزعلي ع مصر باخدلك الشام -------------------------- |
| الساعة الآن 03:15 AM |
Powered by vBulletin® Copyright ©2000 - 2024, Jelsoft Enterprises Ltd.