|
اللي فاضل مني … إنتي
اللي فاضل ف الملامح بعد غيبتك ف الزحام وهم سارحْ جيت انام مالقتش حلم الليل بطولو بحكيهولك جيت اقوم مالقتش ورد الصبح دايما بهديهولك اللي فاضل م الملامح شوك وطارح في الإيدين نجم مطفي في العينين جيت اروح لمكان نحبه مالتقتش ميعادي بيكي اللي فاضل مني دمعة تكتوى بيها الأماكن اللي فاضل ف الضمير حزن ساكن في الضلوع اللي فاضل في الشواطئ موج يكسَّر كل مينا اللي فاضل ف الليالي ريح بتخنق ف الشموع انتي عمري اللي ابتديته ف يوم ميلادي اللي فاضل في الملامح إن وسع الكون فؤادي اللي فاضل مني إنتي حتى لو فجأة بعدتي واختفيتي زي حلم نهار جميل انت وشي اللي رسمته بلون ودادي انت سكر ذاب معاه كل المرار انت زهر ف قلبي طارح انتي دنيا وكل دنيا فيها فرح وفيها حزن وفيها صدق وفيها غش وفيها قلب دهب وفيها قلوب كتيره ما تستاهلش وفيها لحظة ما تتنسيش وانتي نبضة ما تنتهـيش انتي نبضة ما تنتهـيش ودا اللي فاضل ف الملامح. |
رد: اللي فاضل مني … إنتي
جميلة ٌ يا محمد نديم كـ جمال روحك
وعجبتني أكثر اقتباس:
|
تحياتي أمل محمد لتواجدك العذب.
مودتي وتقديري. |
| الساعة الآن 07:44 PM |
Powered by vBulletin® Copyright ©2000 - 2024, Jelsoft Enterprises Ltd.