منتديات منابر ثقافية

مش كفايه للشاعر المصرى هشام الجخ

طيارتكم مش كفاية
والمدافع مش كفاية
والقنابل والحصار والحرايق والدمار
والدموع فى عيون صغار
والجناين تبقى نار مش كفايه
ومش كفايه
لوعايزنى مره أخضع .. غيرونى
شوفوا يمكن دا لو ينفع
بدلونى .. ولما متلقوش طريقه
واجهوا لو مره الحقيقة
وإقرؤا من قرآنى لو مره آيه
تفهموا أصل الحكايه
إنى بضحك ع القنابل
وموته جايه وقلبى جامد
تعرفوا !!
تعرفوا ان القنابل والمدافع والشظايا
والسلاح اللى معاكوا ومش معايا
مش كفايه
موتونى ألف مره ومش كفايه
غصب عنكوا بلادى حره وللنهايه
كلمة بكتبها بدمايا
للى يستشهد ورايا
ان ثمن الجنة دا لو حياتك
مش كفايه