منتديات منابر ثقافية

حلم غافي تخيلتك حبيبي بين احظاني
على شفافي طعم شفتك واثر باقي على لساني
تخيلتك ترجيتك توسلتك ابد لا يوم تنساني
ابد لا تنسه عشرتنه واﮜلك ذاك هو اني
بعدني بشوكي الظامي بعدني بعشـگ شهواني
احبك ها بعدني وداعتك والـﮝلب وصاني
يوكف لا نبض لا دم اذا مو الك نبض اني
وجسمي يشل حركته ولا عقل يشتغل من ثاني
اسير بشوﮜك ومعدوم ماكو افراج واريد انته سجاني
واريدنك تحاجيني واسمعنك تصيح العشـگ اذاني
واﮜلك هاك اخذ روحي اخذها وصير رحماني
وتسولفلي واسولفلك
وانومنك على ذراعي واشم شعرك
طعم جمار لو تفاح لو مدري طعم خدك
وشنو عطرك عطر عنبر
مسك لو هيل لو زعتر
الف رحمه لبوك وامك الجابوك والوذ انه بخت جدك
كلها احلام كلها اوهام بس تدري انته بلي ينام
امير بقصر مرة يصير مرة يصير هم خدام
مرة يكون قاضي ومحكمة وجلاد مرة يكون بالاعدام
بس انته حلم واجمل حلم مريت وكونك ترد من ثاني
وتمنيتك حقيقه حته لو بس يوم وبعده الموت يلفاني
لاكنك حلم وخلص وكتك حيف ياحلم العمر يا ﮁذب نيساني

بقلمي 8/4/2013