منتديات منابر ثقافية - تأشر عليْ بنغازي ..

(بوصلة قلبي ) تأشر عَليْ بنغازي

ياخِيرتي في الأرض وين انوازي

واجد عليها خايف .. وْواجد امْرَايف

عَليْ بَاتي وأمي وسنين عمري

عليْ طِيبها والحِنْ والدّفا اللي فيها

علي وسط لبلاد .. علي ترابها وشاطيها

عالصابري والمنارة .. وعلي كل مافيها

علي ناس فيها تخاف ربي والحلال اتوازي

هاذوم همّا اعزازها واعزازي .. بنغازي في عيونهم بنغازي

خيرتي : اختياري

وين انوازي : عندما اختار

واجد : كثيرا

امرايف : مشتاق

باتي بتفخيم الباء : أبي

الحِنْ : الحنان

الدفا : الدفء

وسط لبلاد : وسط بتغازي

اعزازها : الناس الذين لهم معزّة عندها