منتديات منابر ثقافية

تسمحلي

تسمحلي اشتري بؤك
ارسم ملامح وشك
ازرع أفكاري في مخك
اخدع عنيك وأغشك
اخلع ضميرك أهدك
أرميك في مظاهرة أزئك
أرشئك في ميدان وأدئك
أربط عزيمتك أشلك
زي الخروف راح أجرك
تمأمأ مهما تنادي
وقت ما يجيلي مزاجي
أحل شوية أفكك
,,
قلبك وعقلك ملكي
لسانك بيحكي بأمري
رجليك ماشية في دربي
بصمتي مطبوعة في كفك
,,
حتبقى في اللعبة معايا
ماشي على درب هوايا
وفي يوم لو جالي قضايا
حئول أنت الجاني أنشك
,,
في ساحتي أنت سعيد
الفلوس معاك بتزيد
غريب في عالم جديد
لو مت يقولوا شهيد
وملايين للقبر تزفك
...
تسمحلي

أحمد إبراهيم عبد العظيم