|
ما بقى عندي حكي
ما بقى عندي حكي!
كلمات: جورج جريس فرح بحبك أنا، لِك شو بِكي؟ بحبك أنا مش بالحكي! ولا بقول كلمة مزوَّرَه ومْفَبرَكِي! بحبّك أنا من قلب ما بيعرف كلَلْ ولا بيوم فكّر يهجركْ، بس اضحكي! بحبّك مثل ما الطير بيحبّ الشَّجَرْ بحبّك مثل ما الأرض بتحبّ المطَرْ بحبك عدد لنجوم، ومواج البحر، وتبقى حياتي بغير حبّك شربَكي! بحبّك مثل ما الزهر بيحبّ الندى بحبّك لأنّك هيك إنتِ وما حدا مثلك لقيتو هَيك عا طول المَدى حاج تسأليني... ما بقى عندي حكي! |
رد: ما بقى عندي حكي
وبعد ما قرأت عسل الكلمات
ما عاد عندي حكي أنا كمان لك شو بكْ استمتعت باللهجة جدا أظن من سوريا! |
رد: ما بقى عندي حكي
اقتباس:
اللهجة طبعًا لهجة أهل برّ الشام، وهذا البر يشمل أرض لبنان وفلسطين. تكثر هذه اللهجة في قرى شمال فلسطين المتاخمة للحدود مع سوريا ولبنان. سعدتُ بمرورك الرقيق. لك ودّي وُرودًا. :45: |
رد: ما بقى عندي حكي
اقتباس:
يشهد عليي هالقمر بحبك متل هالعود مابيعشق وتر بحبك متل غيمات ليل معبقة حبات لولو وبالاسم قالت مطر بحبك انا قلتا وياربت بتسمعا خوفي أنا لايكون ماعندك خبر ............ ناهد من وحي حرفك باأرزة لبنان |
رد: ما بقى عندي حكي
اقتباس:
بس لولا أنصفوا وما أبعدوك وكذبوا عنّي وزيَّفوا لو كان فينا نطير نركب هالرّياح نهبط بأرض الحب نبني مملكِة! سعدتُ بجمال مرورك المميّز :45: |
رد: ما بقى عندي حكي
بحبك متلْ ما الْغيمْ بِحِبّ السَّما ومتلْ ما الزَّهرْ بْيُنْطُرْ النَّدَا ومتلْ ما الْشَجَرْ بيعشقْ تْرَابُو حِبِّي إلكْ أقْوى منْ ريحِ الشّْمَال وبْدُونْ حِبِّكْ .. تِبْقَى حَيَاتِي مْشَرْبَكِي .. |
| الساعة الآن 12:09 AM |
Powered by vBulletin® Copyright ©2000 - 2024, Jelsoft Enterprises Ltd.