|
صمت المكأن
يا وسيلة التكدر توصلني بيك ولآ مجال واهرب من احزاني ولآصوات التشغل البال وتروح ولآ الوان الغيرتلي الوآني كلشي ساكت والصمت غطى المكان سكته ماينطق كلآم السآني لو وكفت اكبآل طاريك اخآف انه ضايع كون بس تلكآني انه اعرف مآتجي وصعبه عليك بس شسوي لعيني لسه اتآني افز لو مرة الهوى يرجفلي باب رجفة صارت بيه من بيباني واركض اتلكاك حسبآلي انته اجيت بس فراغ بوجهي يتلكآني انته مآتهوى البعد كلي شجاك ولآ تفكر لحظة في نسيآني صآر بعدك فوك لك الاحتمآل شحتمل يالعايش بوجداني كون بس ينزل دمع حتى استراح مآي مآضل يبست كيعآني انته نور اشلون عن عيني تروح ظلمة وكتي اتوحشت عدواني والفصول اتوقفت يم الخريف ولآ ربيع يمر عليهه اغصاني جنت اتمنى انتهي قبل الودآع ودمع عينك ينزل وينعآني ولآ تظل بس ذكرى في بالي تدور وبس رسم متعلك ابحيطآني انه متعود اشوفك كل صباح اشلون ماتكدر تجي لمحبوبك جنت من اشتآك اشم عطرك واجيك هسه مآ ظل عطر فوك ادروبك مآ الك عنوان يرشدني عليك ابلآ طوابع من اجه مكتوبك كل زوآيا البيت تندهلك تعآل تشكي واتسولف صفت وي ثوبك وآنه ادور صدفه دلوني عليك اشرحلهم كمت كل اوصافك نعم هي الروح دلتني عليك بس غريبه امثلجات اطرآفك ليش فضلت الصمت عن الكلآم وهيه مو من عادتك واوصافك ماكمت تبتسم من اقبل عليك ولآ تقبلني بحرارة اشفافك مو مكانك وحشه احس هذا المكآن وصوت ريح ايمر عليك وطافك غربه صارت غربه وي ليلك تبات والحزن لآعآفني ولآ عآفك |
| الساعة الآن 06:13 PM |
Powered by vBulletin® Copyright ©2000 - 2024, Jelsoft Enterprises Ltd.