((( ياسيدي بعض الغلا لاطال به وقته يذوب )))
البارحة يا صاحبي هاجت على نفــسي الخطوب أمسيت أناقل مرقدي والقــــــلب في وسطه لهيب جاني خبر من غالي ٍ شقيت من علمــه الجيوب قالوا البنيه اللي عشقت أمست يصـــاحبها حبيب يا سيدي بعض الــــــــغلا لا طال به وقته يذوب وأنا لمحت اللي عشق لا غــــــاب محبوبه يغيب يا سيدي بعض النساء مثل الشـجر وقت الهبوب مامّر طــــــــــــــــــــــــيف يخالها إلا وعانقها حبيب وأنا أنجرحت بخافقــي جرح ٍ تنومني حــــــبوب يقطعك يا حب النساء يقطـــعك يا درب ٍ صعيب كم مرة ٍ جيت الغضي تشهد شرورة والدروب كم مرة ٍ جالستهم والشوق في الكلمة عجيب واليوم أشوف اللي مضى يا حسرة القلب العذوب كيف ارتحل يا هاجسي كيف أمست البسمة تريب فستانها يا سيدي ما صاحب فصــــــوصه ثقوب كل الغواني خلفها يرقـــــــصن والموقف رهيب جيت القبور اللي بها قبر العـــــلي وقت الغروب عود الأراك اللي بها يابس عقب ما هـــو رطيب يرحمك يا نجم ٍ أفل من عالم ٍ كله كــــــــــذوب أنا أشهد أنك يا العلي في القلب مأخذ لك نصيب يا صاحبي أهنا بقبرك ما على الدنــــــيا عيوب كم واحد ٍ أمسى بحــــــــبه تالي الفرحة صويب ماني بحاسد للبشر كلا ولا علــــــــــمي طروب مير المشاعر غاضها غرو ٍ على الجــفلة ربيب يا الله طلبتك يامنجي يونس ٍ يوم الكـــــــــروب تجعل لساكن خاطري مخرج وأنت المستجيب هذي مشاعر واحد ٍ عيا من غــــــرامه يتوب نغم ٍ جريح ٍ في حــــــياته مالقى لجرحه طبيب من لامني في صدق حرفي ما على مثلي هروب بيت ٍ بنيته في شــــــــــــبابي عاقني عنه زريب يرحمك يا حب ٍ ســـــــكن قلب ٍ ولا كل القلوب والله يهني اللي خذا له عقبــــــــــكم ذاك الحبيب يبقى عزايه يا علي طفل ٍ على الدنــــــــــيا لعوب وش السواة يا مهجتي والدنيــــا ذي حظ ونصيب الله يا حزن ٍ سكني ماسكن ذيك الشــــــــــعوب يشهد على حزني لكم رأس ٍ يداهـــــمه المشيب ******** بكل تأكيد ...لاجديد .. هذا أنا ... النغم المهاجر . |
اهلا بك وبعودتك
ايها النغم المهاجر اشتقنا لقصائدك لاتحرمنا من طلتك مودتي |
صباح الخير يا .. محفي دروب شرورة والدروب:) قصيدة جميلة طريفة مليانه مشاعر وشعور.. صح قلبك يا مجرشي .. لي كلمة بعد اذنك يا استاذ احمد ماش ما جازت لي الكيسة اللي نشبت بشوشة الشجرة وقت الهبوب تقل انه خربت ام الشاعرية ::d |
اقتباس:
أشكرك على هكذا مرور وترحيب ... اتمنى أن أكون العائد الجميل ... احترامي . |
اقتباس:
مرحبا ً بك ِ قارئة وناقدة ... سرني ذلك فاضلتي ... شرعت إلى تعديل مانوهت ِ إليه فورا ً ... فقط هي صورة عارضة يبصرها المتأمل في واقع بعض النساء ... ولاتهون أنت والشاعرية ... دام حضورك وتجليك . |
مرحبا يا استاذ احمد.. ليس نقدا ولا انتقاد وحاشا حروفك ان ينتقدها بسيطة مثلي وليس انتقاصا من جمال القصيدة التي تباهت ابياتها وتمايزت بالجمال انما كان كلامي من باب الغيرة على القصيدة الرائعة.. بالاخير اشكر لك تواضعك ورقي روحك.. |
احساس قاسي
من عاشه رحمه الله ورزقه نعمة النسيان كنت هناااااااااااا |
اقتباس:
وأنا عدت إلى هنا لأقول لك شكرا ... عيدك تباشير . |
الساعة الآن 11:10 AM |
Powered by vBulletin® Copyright ©2000 - 2024, Jelsoft Enterprises Ltd.