|
لا تجينه // الشاعر الكبير عريان السيد خلف
لا تجينه .. لاتجينه .. جان كَلت ابوجه الابيض .. غير معشركم لكَينة جينة مشتاكَين .. وبلهفة .. او تسد بابك علينه جينه ايدفعنه الهوى .. اودمعاتنه اتكَطر بدينه اوجنت اظن عندك وفه .. اورحية من فرد طينة غمكَت جرح الجفة .. اوزدت .. الكَلب ونه لونينه اعتب اعله الروح .. جي لنها اعله .. ريحتكم حنينة واعتب اعله الشوك .. والعشرة .. اوسوالفها الحزينة علمتني شلون يتبره .. الخوي .. اوحمل اليكَع محد يعينه عفية صحبة هالوكت .. بيها اليجافي .. اشوكح عينه .. او لاتجينه .. !! - ما اجيكم واليدك بابك ، بعد تنشل يمينه او جينه .. مدري الجدم زل بينه العه دربك .. لو عمينه اوجيت ارد اروحي .. البكَت سنتين بديارك رهينه اوجني ضيف ! او عادت الينضاف .. للخطار .. يرخص ماي عينه وانته .. ما جنك ربيت ابماينه .. او شارب حنانه وانكرت حتى العرف .. يوم الوكت .. .. بيدك رمانه عفيه كَلبك هلبت ابساعه .. وفه .. ابالك طرانه او جينه نشجيلك .. عذاب اجروحنه .. او لوعة هوانه آخ .. يا دمعك فلا يبطل .. يهل .. لمن عمانه يا عفه اكَلوب التشيل .. الظيم وشنحمل عفانه او حتى اعز الناس من طحنه .. ابهظم جاروا علينه :او من وصلنه الدارهم كَالوا اشجابك ؟. لا تجينه عفيه صحبة هالوكت بيها اليجافي اشوكح عينه |
لم اجد مااقتبس منها لانها معبرة بكل حروفها شكرا للشاعر الكبير الاستاذ عريان السيد خلف وشكرالكي يا اميرة
|
شاعرنا الكريم ((مؤيد))
شكرا لطيب تواجدك مودة لاتنقطع (*_^) |
اختيار راق
يدل على ذائقة رقيقة مودتى |
| الساعة الآن 11:13 AM |
Powered by vBulletin® Copyright ©2000 - 2024, Jelsoft Enterprises Ltd.