منتديات منابر ثقافية

تگلي احـچـي شريد احـچـي .............وشنهي من الكلام ابدي
شسولف والوجه ذابل ............... وشحـچـي والدمع يهلي
شريد ابدي وشگول شلون ...........يخي والعين دم تبـچـي
ما مرتاح تسئلني ................ واگلك ايه ما مرتاح وتگلي
شنهي الموجر وياذيك .......... شنهي الصار شنهي شبيك
شنهي الكاسر الخاطر ......... واگلك مو حـچـي ويكفي
تگلي افتح گلب مقفول ....... وتدري لكل قفل مفتاح بس مفتاحه مو عندي
ضيعت المشي من زمان ..........ورديت الدرب احبي
ترد تسئل ترد تحـچـي ............. اشرح حالتك يا خوي وتلگاني بخلگ مصغي
واگلك لا تتعب حال.............لا تشغل فكر والبال
لا تفتح عليه الضيم ..............خل الضيم خي مخفي
خلني بحزني بالاهات ........... مو سهلة علي واشكي
ولا بيهه فخر واشكي ............ لون شتنطر وارجي
واذا رايد صدگ اشكي .......... واريد اليسمع وينطي
اشكي همومي للمعبود ....... لرب العرش يا خي ربك وربي