ياوقت يكفي !!!
 

ياوقت .. يكفي مابقى للعمر كثر اللي مضىى
تعبت أجامل غربتي واشكي همومي للوطن ..
لمحتني ( ساكت ) ترى ما كل من يسكت رضا ..
مجبور أصارع بلوتي مادامها ( لعبة زمن ) ..
.
.
.
ما عاد فيني .. " ابتسم " مدام هالدمعه ..{ سلاح }
ما عاد .. فيني ابتسم وأخفي ! همومي والحزن ! ..

وما دام فكري مقتنع يرفض مبادي هالكفاح ..
بأقتل شعوري وأدفنه وأخلي إحساسي كفن ..

( ياليل ) ...!!
تكفى ضمني .. ماعاد فيني للجراح ..
( تعبت ) ..!!!
أجامل وأنتظر .. زود المصايب والمحن ..

الله وأكبر * يازمن * وشلون قلبي ما استراح ..
(العيب فيني ) ياترى وإلا (العيوب من الزمن) ..

اللي بغيته ( مالفى ) واقفا على دربه وراح ..!
واللي ( رفضته ) مارحل يضحك وأنا عيوني بكن ..!

لا صار " حظي مركبة " تبقى المصيبة بالرياح !!
تجري " رياح العاصفة " في عكس ماتشتهي السفن ..

أحس بضلوعي قفص والطير مكسور الجناح ..
وأحس بعيوني دمع مسجون في داخل جفن ..

والليل قرب ينتهي ويزول في وقت الصباح
وأنا وليلي نكتفي بس المواجع ماأكتفن ..

ما عاد لأسراري بلدوالحزن دمرها وباح ..!!؟؟
ولا عاد فيني ابتسم واخفي همومي والحزن ..!!؟؟


قصيده لشاعر حقيقة أجهل أسمه ولكنها من روائع الشعر الشعبي أتمنى أن تنال اعجابكم!

العزيزة منال

شكرا لك اول على امانتك الادبية الرائعة

وثانيا على ذائقتك الجميلة في الاختيار

لك التحية حيث انت

استاذي / احمد القلعاوي
ولك الشكر استاذي الكريم ملء السماوات والأرض على هذا الحضور الزاهي ..
لقلبك كل الود والتقدير .