|
من خضر زرعنه
السلام عليكم بعد الانقطاع الطويل اقدم لكم قصيده جديده من خضر زرعنه جنت بيدك قلم يلحبرك من الروح وجنت شدة ورد للناس متوزعه حويتك من صغر توني انه بلعشرين وانت ارض الغرب مايثمر بزرعه وياك اصبرت وانه بعمر راضوع كلت صبري عسل ارويك واتشبعه سكيتك من نهر ميه عذب معروف كلت بلكت يخضروالعتب رفعه وسديت الاذن عن لوم اليلومون كلت لعيون كَلبي الرايده انتبعه وسهام الشماته كَسرتلي ضلوع تحزمت الصبر وألغربه بس وجعه ومن خضر هرشنه وقدح العنكود كلت هذا ثمن لسنينه السبعه ومديت الصبر خضر هرش مجدول هرش بعده لحم و يريدله الرضعه ضنيت الصبر وذيج الليالي تفيد وهسه انته تهدني و تكطع الكطعه تحرمني الزرعته تكلي مني الصوج وعله زله لساني تريدلك فزعه اوعدك و الزمن يفتر عليك بيوم ينضج هل الثمر ويدور ألربعه بقلمي طارق النعيمي 10/07/10 |
رد: من خضر زرعنه
مشتاقين يا طارق الك والكل الربع قصيدة رائعة تسلم يديك اخي مع تحياتي
|
رد: من خضر زرعنه
حبيبي مؤيد والله اني المشتاق لكم جميعا وجزيل الشكر ياورده وان شاء الله نتواصل من جديد
|
رد: من خضر زرعنه
ابدعت ياطارق
مشتاقين لكم جميعا ولمتنه الحلوة تحياتي |
رد: من خضر زرعنه
اميرتنه جزيل الشكر فعلا اللمه أله وحشه تحياتي ياورده
|
رد: من خضر زرعنه
الحمد لله على السلامة أخي طارق قصيدة جميلة كعادتك مليئة بالشوق والشجن ويضل صراع في داخلك بين ديرتك اللي ترزق فيها وبين اللي أنولدت فيها وسياتي يوم يعود الغصن يلتف على إمه.. أخي طارق كن بخير |
اقتباس:
|
| الساعة الآن 07:14 PM |
Powered by vBulletin® Copyright ©2000 - 2024, Jelsoft Enterprises Ltd.