منتديات منابر ثقافية

كلها مني انته هالڴتلي ومشيت الصوچ مني
كلها مني اسباب الهجروالجفه والبعد عني
كلشي صار وكلشي يجره حته لو بلبل يبطل ما يغني
وشنهو ظني ها ابطل ما احبك شنو ظني
لا وحقك حتى لو ڴتلي اكتلك ما يهمني
وهذا فني حبك رغم المصاعب هذا فني
كلها مني انته هالڴتلي ومشيت وزاد وني
وزادت اجروحي وي روحي وما لوني
لا وشخصك حته لو جسمي يتطشر ما احب غيرك ولا ممكن اثني
كلها مني انته هالڴتلي ومشيت وتدري بعيوني مسودنات وسودنني
يبچن وما بطلن دمعات شوڴ وهالعمني
وحڴ عينك حته لو راحن اعيوني لاجلك انته ما يهمني
وتحچي عني خلي كل الناس تحچيني بسوالفهه وتذمني
خل يسموني المتيم ضايع بشوڴه وهواه
يحچي بالوان الكلام وتايه بارض الله وسماه
خلهه تاخذ غيبتي هالناس ما همني حچيهم ما يضرني
ولا هزني هالحچي والڴال شامت لو محب لا ما يهمني
ولا يغيرني الزمان الكفكف افراحه ورحل عني وتركني
لا وحڴ روحك يغالي شامخ ابقه ولا چني
بس يهمني انته وحدك تبقه ليه وابقه يمك عمري خلني
وكون اموتن بين ايدك وانته جنازي اليغسلني ودفني
وما يهمني غير عني رضاك يا عمري الكتبته بحبر دمي
وكلها مني لو ڴتلي بزعل ومشيت عني
اني اقبل واذا هذا يطيب الخاطر وترضه حبيبي انه اڴلك كلها مني
عمي اقر واعترف مني الذنب بكلشي صاروكلشي يجره وكلها مني
بقلمي.... مؤيد الساعدي 21/5/2013